अविरलमा महिला मुक्तिका कविता


प्रकाशित मिति :2017-08-26 13:53:31

-महिला खबर-

काठमाडौँ । जनसाहित्यिक मञ्च नेपालको अविरल जनसाहित्यक यात्राको ४० औँ श्रंखलामा चार महिला कविका दुई दर्जन कविता प्रस्तुत भएका छन् ।

शुक्रबार राजधानीमा भएको कार्यक्रममा यशोदा अधिकारी, अनिता लामा, जयन्ती स्पन्दन र बिना तामाङ थिङका चार÷चार कविता प्रस्तुत भएको थियो ।

अधिकारीले ‘छोरी नजन्माउने मेरी आमा’,‘त्यो पुरानो घर’, ‘भुइँमान्छेको सपना’, ‘ढालिदिए हुन्छ त्यो रूख’, ‘पत्रकारको प्रश्न’ र ‘आइमाईको मूल्य कति हो ?’ कविता सुनाइन् ।

थिङले ‘मायाहरूको युग’,‘कन्फेसन एउटी आमाको’, ‘एउटी किशोरीको बयान’, ‘कालो गुँरास’, ‘रंगको राजनीति’ र ‘म्हेन्दो’ सुनाइन् ।

लामाले सुरुमै ‘मेरो देशः मेरो सर्वस्व’ कविताबाट कञ्चनपुरमा भारतीय सैनिकबाट गोली लागेर मृत्यु भएका गोविन्द गौतम सम्झिइन् । यसपछि उनले ‘विद्यार्थी’, ‘नागरिकता’, ‘ह्यारी, आस्याङ र साहिवा’, ‘मसुरी’ र ‘रगत’ गरी ६ वटा कविता सुनाइन् ।

त्यसैगरी स्पन्दनले ‘सत्यविज’, ‘जनआह्वान’, ‘पशुपति, वाग्मती र मान्छेहरू’, ‘टीकापुर भर्सेस खण्डखण्ड त्रासदी’, ‘छोरा, छोरा र छोराहरू नै’ र ‘मनाउ समभावमा तीज’ शीर्षकको कविता सुनाइन् ।

सो अवसरमा नेपाल प्रज्ञा–प्रतिष्ठानका सदस्य सचिव डा जीवेन्द्रदेव गिरीले नारी हस्ताक्षरका कविताका आवाजले फरक अनुभूति मिलेको बताए ।

सुस्मिता नेपालले कविताको टिप्पणी गर्दै कविताहरुले नारी मुक्तिका स्वरलाई प्रस्फुटित गराएको बताइन् । उनले परिवारको समस्यादेखि सामाजिक विकृति र पितृसत्तात्मक सोचले महिलामाथि थोपरिएको विभेद कवितामा समेटिएकोे टिप्पणी गरिन् ।

साहित्यकार कविता पौडेलले महिलाहरुले हरेक क्षेत्रमा संघर्ष गर्नुपर्ने समयमा कवितामा नयाँ पुस्ताको सक्रिय उपस्थितिले उत्साहित तुल्याएको बताइन् ।

नयाँ स्वाद दिन र तीजको समेत सन्दर्भ जोड्न चार नारी कविलाई प्रस्तुत गरिएको मञ्चका अध्यक्ष राम विनयले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: