पँधेरो र खोल्सी कुर्न नपर्दा महिला खुसी


प्रकाशित मिति :2017-08-28 12:38:41

अप्रिल अधिकारी

रामेछाप । रामेछाप नगरपालिका ५, रामपुरकी ७७ वर्षीया प्रितिमाया तामाङ गाउँमै धाराबाट पानी आएपछि दंग हुनुहुन्छ । सानैमा विवाह गरी बुहारीका रुपमा रामपुर भित्रनु भएकी तामाङले बुढेसकाल लाग्दासम्म ३ घण्टाको बाटो धाएर हरेक दिन पानी बोक्नुभयो ।

अहिले धाराबाट पानी झरेपछि उहाँमा खुशीको सीमा नै नाघेको छ । आफ्नै दैलो अघि धाराबाट पानी झरेपछि त्यो दुःखका दिनलाई सम्झदै उहाँले भन्नुभयो– ‘मलाई गाउँमा यस्तो अवस्था होला र देख्न पाउँला भन्ने लागेको थिएन ।’ स्थानीयको श्रमदान र नेपाल रेडक्रस सोसाइटीको आर्थिक सहयोगमा गाउँमा खानेपानी योजना सम्पन्न भएको हो ।

खानेपानी योजना बन्ने भएपछि पानी बोक्नु पर्दाको थकान र पीडाले सास्ती पाएका महिलाहरुले निकै जाँगर चलाएर श्रम गरेका थिए ।

गाउँका १ सय ५० घरधुरीबाट १० हजार रुपैयाका दरले चन्दा समेत उठाएका थिए । योजनाबाट रामेछाप रामपुरका १ सय ५९ घर धुरीका १ हजार १ सय २३ जनसंख्या लाभान्वित हुने भएका छन् ।

गाउँमा पानी आएपछि सवैलाई सुविधा पुगेपनि महिला सवैभन्दा बढी खुशी बनेको डल्ली तामाङ बताउनुहुन्छ । यसअघि पानी बोक्न पँधेरो र खोलामा धाउनुपथ्र्याे । राती राती पानी बोक्नुपथ्र्यो, पानीका निहुँमा धेरैसँग झगडा हुन्थ्यो । अब त धाराबाट पानी झरेसँगै दुःखका दिन अन्त्य भएकोमा उहाँ खुसी हुनुहुन्छ । अब पानी बोक्न खर्च हुने समय आय आर्जनका काममा लगाउने सोचमा डल्ली हुनहुन्छ ।

लिफ्ट सिस्टममार्फत खानेपानी योजना बनाएको हो । नेपाल रेडक्रस सोसाइटी रामेछापले खानेपानी योजना उपभोक्ता समितिलाई हस्तान्तरण गरेको छ । ५० हजार लिटर क्षमता रहेको योजनाका लागि रेडक्रसको ७२ लाख ६६ हजार ४ सय २१ रुपैयाँ, साविकको रामपुर गाविसको ९ लाख, समुदायको २१ लाख ३५ हजार ७ सय ६५ रुपैयाँ र समुदायको श्रमदान १६ लाख ८६ हजार ८ सय ६८ गरी कुल १ करोड १९ लाख ८९ हजार ५४ रुपैयाँ सहयोग रहेको जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: