अखिल क्रान्तिकारीको पदाधिकारीमा १२ महिलाको उम्मेदवारी


प्रकाशित मिति :2017-08-30 12:33:31

–महिला खबर– 

काठमाडौं । नेकपा (माओवादी) निकट विद्यार्थी संगठन अनेरास्ववियु (क्रान्तिकारी) को २१ औं महाधिवेशनबाट निर्वाचित हुने नयाँ नेतृत्वको लागि १२ जना महिला नेतृ पदाधिकारीको लागि चुनावी मैदानमा उत्रिएका छन् ।

भदौ ७ गतेदेखि सुरु भएको महाधिवेशनमा निर्वाचन कार्यतालिका अनुसार उनीहरुले उम्मेदवारी दिएका हुन् । अनेरास्ववियु क्रान्तिकारीको निर्वाचनले ३३ पदाधिकारी सहित २४३ सदस्यीय केन्द्रीय समिति हुने व्यवस्था छ ।

सोही व्यवस्था अनुरुप ३३ पदाधिकारीमध्ये १२ जना महिलाले पदाधिकारीमा उम्मेदवारी दिएका हुन् । उम्मेदवारी दर्ता गराउने मध्ये छात्रा उपाध्यक्षमा पञ्चा सिंह र लक्ष्मी प्रधानको उम्मेद्वारी परेको छ । उपाध्यक्षमा जनजाति तर्फ सुनिता किँरातीको उम्मेदवारी परेको छ ।

त्यसैगरी महासचिवमा राजेश्वरी सुवेदीले उम्मेदवारी दर्ता गर्नुभएको छ । उपमहासचिव छात्रा कोटामा सुनिता शाह र आशा तमुको उम्मेदवारी परेको छ । सचिव छात्रा कोटामा भने भिमकुमारी प्रधान(सपना), प्रविणा अधिकारी, एलिसा थापा, गंगा दाहाल, वसन्ता कटुवाल, जस्मिन रेग्मी चुनावी मैदानमा उत्रिएका छन् ।

नयाँ कार्यसमितिको लागि निर्वाचन आज १ बजेबाट सुरु हुने उपाध्यक्षकी उम्मेदवार लक्ष्मी प्रधानले जानकारी दिनुभयो । क्रान्तिकारीमा पहिलो पटक नेतृत्वका लागि निर्वाचन हुन लागेको हो । निर्वाचनमा दुई हजार १२ मतदाता सहभागी हुनेछन् ।

केन्द्रीय कमिटीमा एक अध्यक्ष, तीन खुल्ला र महिला, जनजाति, मधेशी तथा मनोनित गरी सात उपाध्यक्ष, एक महासचिव, तीन उपमहासचिव, १३ सचिव, र एक कोषाध्यक्ष हुने व्यवस्था छ ।

    Comment Here!

Related NEWS
मुख्य खबर

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

Read more
© 2015.All rights reserved by mahilakhabar.com
%d bloggers like this: