फोरमले दुई स्थानीय तहको प्रमुखमा महिला उठाउने


प्रकाशित मिति :2017-08-30 16:21:10

– महिला खबर –

काठमाडौं । असोज २ गते हुने प्रदेश नं २ को स्थानीय तहको निर्वाचनका लागि संघीय समाजवादी फोरमले दुई स्थानीय तहको नेतृत्व पदमा महिलालाई उम्मेदवार बनाउने भएको छ ।

फोरम केन्द्रीय कार्यसम्पादन समितिको मंगलबार बसेको बैठकले रौतहटको गरुणा नगरपालिकाको प्रमुखमा इन्दु यादव र पर्साको धोबिनी गाउँपालिकाको अध्यक्षमा सुशिलादेवी चौहानलाई उठाउने निर्णय गरेको फोरमका सचिव अजम्बर काङमाङले जानकारी दिनुभयो ।

यो सँगै सप्तरी, सिरहा, धनुषा, रौतहट, बारा र पर्सा गरी प्रदेश नम्बर २ का ६ जिल्लाका ६४ स्थानीय तहको प्रमुख र उपप्रमुखको नाम टुंगो लगाएको छ ।

फोरमले अन्य नगरपालिका र गाउँपालिकमा भने प्रमुख पदमा पुरुषलाई नै उठाउने निर्णय गरेको हो । रौतहट कै इशनाथ नगरपालिकाको उपमेयरमा माधुरी सिन्हा, माधवनारायण नगरपालिका उपमेयरमा बालकुमारी चौधरी र फतुहा नगरपालिकाको उपमेयरमा चन्दा चौधरीलाई उम्मेदवार बनाउने निर्णय गरेको हो ।

सिरहाको लहान नगरपालिकाको उपमेयरमा रिता यादव, गोलबजार नगरपालिका रेनुका यादव र कल्याणपुर नगरपालिकाको उपमेयरमा संगीताकुमारी देबी यादव र कर्जनहा नगरपालिकाको उपमेयरमा उर्मिलादेवी महतोलाई उम्मेदवार बनाउने निर्णय गरेको हो ।

पर्साको वीरगञ्ज महानगरपालिकाको उपमेयरमा पिंकीदेवी यादव, पोखरिया नगरपालिका उपमेयरमा सल्मा खातुनलाई उठाउने भएको छ । यस्तै छिपहरमाई गाउँपालिकाको उपाध्यक्षमा किचकली देबी, जगरनाथपुर गाउँपालिकाको उपाध्यक्षमा बिस्मिल्ला खातुन, पकहामाई गाउँपालिकाको उपाध्यक्षमा पकहामाई गाउँपालिकाकुष्मी देबी, सखुवाप्रसौनी गाउँपालिकाको उपाध्यक्षमा फुलमतिकुमारी थरुइनलाई उम्मेदवार बन्ने फोरमको केन्द्रीय समिति बैठकले निर्णय गरेको हो ।

बाराको पच्रौता नगरपालिकाको उपमेयरमा ललिताकुमारी चमार, महागढीमाई नगरपालिकाको उपमेयरमा रमावतीदेबीचौरसीया र सिम्रौनगढ नगरपालिकाको उपमेयरमा शैलदेबी यादवलाई उम्मेदवार बनाउने भएको छ ।

सुवर्ण गाउँपालिकाको उपाध्यक्षमा बबिता यादव, फेटा गाउँपालिकाको उपाध्यक्षमा कमरुल खातुन, विश्रामपुर गाउँपालिकाको उपाध्यक्षमा अनवरी बेगम, प्रसौनी गाउँपालिकाको उपाध्यक्षमा शिलाकुमारी तेली, करैयामाई गाउँपालिकाको उपाध्यक्षमा लिलादेबी पण्डितलाई उठाउने भएको छ ।

सप्तरीको राजविराज नगरपालिकाको उपमेयरमा किरणकुमारी साह, कञ्चनपुर नगरपालिकाको उपमेयरमा मिना ठाकुर, कब्कालिनी हनुमाननगर नगरपालिकाको उपमेयरमा, सियावतीदेबी यादव, सुरबगा नगरपालिकाको उपमेयरमा प्रेमाकुमारी थापा, खडग नगरपालिकाको उपमेयरमा केन्द्रुलाकुमारीदेबी झा, शम्भुनाथ नगरपालिकाको उपमेयरमा निर्मलाकुमारी साह, डाक्नेश्वरी नगरपालिकाको उपमेयरमा मिराकुमारी यादव र सप्तकोशी नगरपालिकाको उपमेयरमा मिश्रा राईलाई उठाउने भएको छ ।

महादेवा गाउँपालिकाको उपाध्यक्षमा ममता यादव, तिरहुत गाउँपालिकाको उपाध्यक्षमा तिर्थमाया मण्डल, कृष्णासवरण गाउँपालिकाको उपाध्यक्षमा रमितादेबी सदा, इटहरी बिसनपुर गाउँपालिकाको उपाध्यक्षमा उषाकुमारी साह, छिन्नमस्ता गाउँपालिकाको उपाध्यक्षमा तृष्णकुमारी मण्डल, बलानबिहुल गाउँपालिकाको उपाध्यक्षमा रुबीकुमारी गुप्ता र तिलाठी कोइलाडी गाउँपालिकाको उपाध्यक्षमा चन्द्रिकादेबी यादवलाई उम्मेदवार बनाएउने निर्णय गरेको फोरमले जनाएको छ ।

धनुषाको हंशपुर नगरपालिकाको उपमेयरमा शिबकुमारी मुखिया, गणेशमान सारनाथ नगरपालिकाको उपमेयरमा निशा मोक्तान, मिथिला नगरपालिकाको उपमेयरमा मनमाया लामा, नगराइन नगरपालिकाको उपमेयरमा रञ्जितादेबी पासवान र धनुषाधाम नगरपालिकाको उपमेयरमा बन्दना कर्णलाई उठाउने भएको छ ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: