युवतीलाई बन्धक बनाएर बलात्कारपछि हत्या


प्रकाशित मिति :2017-09-04 12:43:57

रमेश रावल

कालिकोट । कालिकोट घर भएकी एक युवतीको दैलेखको आठबीस नगरपालिका–८ मा हत्या भएको छ । सुर्खेतबाट कालिकोटतर्फ जाँदै गरेकी युवतीलाई ना ५ ख १८८७ नम्बरको ट्रक चालकले बन्धक बनाइ बलात्कार गरी हत्या गरेको हुन सक्ने प्रहरीको अनुमान छ ।

तीन दिनसम्म खिड्की जिउलाको आले होटलमा बन्धक बनाई बलात्कारपछि विष खुवाएर हत्या गरेको हुन सक्ने प्रारम्भिक अनुसन्धानबाट देखिएको जिल्ला प्रहरी कार्यालय दैलेखका डिएसपी सुरज पौडेलले बताए । ‘उनलाई शारीरिक शोषणपछि हत्या भएको आंशका गरेका छौं ।’ उनले भने,–‘अहिले अनुसन्धान जारी रहेको छ ।’

‘अनुसन्धानमा असर पर्ने देखेर युवतीको नाम र ठेगाना गोप्य राखिएको छ ।’ उनले भने,–‘नाम बाहिर लैजाँदा अनुसन्धानमा असर पर्न सक्छ ।’ प्रहरीका अनुसार सुर्खेतको बीरेन्द्रनगर नगरपालिका–१ बाङ्गेसिमलका ३२ वर्षीय गाडी मालिक तथा चालक लक्ष्मीप्रसाद आचार्यले मामा भान्जी नाता जनाएर खिड्की जिउलाको आले होटलमा युवतीलाई बन्धक बनाई राखेका थिए । तेश्रो दिन शनिबार बिहान ८ बजेतिर बलात्कारपछि विष खुवाएका हुनसक्ने आंशका प्रहरीको छ ।

शनिबार बिहान ती युवतीले विष खाएकी भन्दै राकम बजारको एक निजी मेडिकलमा ल्याएर उपचार गराउँदा प्रहरीले पीडकलाई पक्राउ गरेको थियो । शनिबार नै युवतीलाई उपचारको लागि सदरमुकाम ल्याउँदै गर्दा बाटोमै ज्यान गएको हो । प्रहरीले चालक लक्ष्मीप्रसाद आचार्यको अलवा होटल सञ्चालक कृष्ण आलेमगरलाई पक्राउ गरेको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: