सहकारीलाई अब्बल बनाउँदै महिला


प्रकाशित मिति :2017-09-07 13:00:03

–महिला खबर –

सुनसरी । इटहरीका ७५ जना महिलाले बीस वर्ष अघि १ लाख रुपैयाँबाट जम्मा गरेको सहकारीमा सम्पत्ती बढाएर पौने ३३ करोड सम्पत्ती पुर्याएका छन् ।

महिला वचत तथा ऋण सहकारी संस्था लिमिटेड इटहरीले ४ हजार ३ सय १९ जना महिला सदस्य सहित पौने ३३ करोड कुल सम्पत्ती बनाएको हो । महिलाले मात्र सञ्चालन गरेको यो संस्थाले एसियाली ऋण महासंघबाट ब्रोञ्ज तहको अन्तराष्ट्रिय एक्सेस ब्राण्ड समेत प्राप्त गरेको छ ।

देशभरका १८ हजार सहकारी संस्था मध्ये १२ वटा सहकारी संस्थाले मात्र यो ब्राण्ड प्राप्त गरेको यो संस्थाकी अध्यक्ष अमृता सुब्बाले जानकारी दिनुभयो । अध्यक्ष सुब्बाका अनुसार संस्थाको कुलसम्पत्ती बढाएर आगामी वर्षमा ५० करोड पुर्याउने लक्ष्य छ ।

सम्पत्ती बढाएसँग संस्थाले महिलाको सशक्तिकरण, नेतृत्व विकास, पूँजी व्यवस्थापन, उद्यमी र आत्मनिर्भर बनाउन विभिन्न कार्यक्रम सञ्चालन गर्दै आएको पनि उहाँले जानकारी दिनुभयो ।

संस्थाले सदस्यहरुको मृत्यु हुँदा १५ हजार राहत सहयोग गर्दै आएको छ । आफ्ना सदस्यको श्रीमान् वा छोरा छोरीको मृत्यू भएको अवस्थामा ५ हजार रुपैयाँ सहयोग गरिदै आएको उहाँले जानकारी दिनुभयो । त्यसैगरी बाढी, आगलागी पीडित सदस्यहरुलाई ५ हजार, अस्पताल भर्ना हुने गरि दुर्घटना भएमा ५ हजार रुपैयाँ उपचार सहयोग पनि गर्ने गरेको छ ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: