‘हामी सक्षम छौं’ विमान चालक जेसिका


प्रकाशित मिति :2017-09-08 16:00:40

–महिला खबर संवाद–

उड्नको लागि पखेटा होइन, आँट र हौसला चाहिन्छ भन्ने भनाईलाई सार्थक तुल्याउने अमेरिकी युवती हुन जेसिका कक्स । सन् १९८३ मा अमेरिकाको अरिजोना राज्यमा जन्मिएकी कक्सको जन्मदै दुवै हात थिएन । कृत्रिम हातको साहरा पनि उनले १४ वर्षको उमेरदेखि पाइन। उनी खुट्टाले विमान उडाउँछिन्, खुट्टाले नै गाडी चलाउँछिन् । प्रति मिनेट २५ शव्द टाइप गर्ने क्षमता राख्छिन् ।

लामो संघर्ष पश्चात १० हजार फिटमाथि प्लेन उडाएर वल्ड रेकर्ड अफ द गिनिज बुकमा नाम लेखाइ सकेकी छिन् । उनले ह्यान्डिकेप्ट इन्टरनेशनलकी विश्व सद्धभावनादूत जेसिकाले साइकोलोजीमा स्नातक गरेकी छन् । उनी अमेरिकन तेक्वान्दो एसोसिएसनकी व्ल्याक बेल्ट समेत हुन् । सेप्टेम्बर पहिलो साता नेपाल भ्रमणमा आएकी उनै साहसी जेसिकासँग महिला खबरले गरेका यो संवाद ।

 नेपाल भ्रमणमा आउनुको उदेश्य के हो ?

मेरो उदेश्य नै नेपालको स्थलगत अध्ययनका साथै अपाङगता भएका व्यक्तिलाई अभिप्रेरणा गर्ने हो । नेपालमा पनि धेरै अपाङ्गता भएका व्यक्तिहरु छन् । उनीहरुलाई थप जागरुक बनाउनु मेरो उदेश्य हो । मैले अपाङ्गता भएका व्यक्तिसँग भेट्न, कुरा गर्न, अनुभव साटासाट गर्नै मौका पाए । खुसी छु ।

तपाई विश्वकै शक्तिशाली र सम्पन्न देशमा अमेरिकामा जन्मनुभएको व्यक्ति, अमेरिका र नेपालका अपाङ्गता भएकाहरुको फरक समस्या के हो ?

मैले धेरै देशहरुको भ्रमण गरि सकेको छु । जहाँ अपाङ्गता भएका व्यक्तिहरुको अवस्था फरक–फरक छन् । पछिल्लो समय नेपाल लगायत विकाशोन्मुख देशहरुमा अपाङ्गता भएका व्यक्ति विस्तारै संगठित हुँदैछन् । उनीहरुको आवाज बाहिर आउँदैछ । उनीहरुले केही भएपनि अधिकारहरु पाउँदैछन् । तर अमेरिका लगायत विकसित देशहरुमा भने अपाङ्गता भएका व्यक्तिहरुले पहिले देखि नै आफ्नो हक, अधिकारका बारेमा आवाज उठाइसकेका छन् । त्यसैले उनीहरुले आफ्नो हक, अधिकार पाइसकेको अवस्था छ ।

नेपालका अपाङ्गता भएकाहरुको अवस्था कस्तो पाउनुभयो ?

मैले भ्रमणका क्रममा काठमाडौं लगायतका स्थानका अपाङ्गता भएका व्यक्तिहरुसँग भेट्ने अवसर पाए । नेपालमा अपाङ्गता भएका व्यक्तिलाई केही भेदभाव पनि छ । सबै अपाङ्गता भएका व्यक्तिहरुलाई राज्य र समाजले अवसर दिन सकेको छैन । तर पनि उहाँहरुले गरेको काम राम्रो छ ।
अपाङ्गताका क्षेत्रमा विभिन्न संघसंस्थाहरुको स्थापना भएको छ । अपाङ्गता भएका व्यक्तिहरुले पनि धेरै काम गर्न सकेको पाए । उहाँहरुको अवस्था सकारात्मक तिर गइरहेको पाए ।

तपाई हात नभएर पनि खुट्टाले प्लेन, गाडी चलाउनुहुन्छ, तपाईको यो सफलताबाट आम अपाङ्गता भएकाहरुलाई के प्रेरणा लिन सकिन्छ ?

हामी सक्षम छौ । हामीमा पनि प्रतिभा छ । हामी त्यसलाई प्रफुष्ट गर्न चाहन्छौँ । हामीलाई कसैले अनुमति नलिइकन कमजोर भन्न पाउँदैनन् । त्यसैले हामीले हाम्रो लक्ष्य निर्धारण गरेर अगाडी बढ्नुपर्छ ।

 यसरी प्लेन उडाउँछु भनेर कुनै दिन सोच्नु भएको थियो ?

ममा आत्मविश्वास थियो । मेरो लक्ष्य थियो । त्यसैले मैले तीन वर्ष सम्म अथक प्रयास गरे । त्यसैले मैले खुट्टाले विमान उडाउने पहिलो व्यक्तिको रुपमा गिनीज वल्र्ड रेकर्डमा नाम लेखाउन सफल भए । मैले लगातार ८९ घण्टा विमान उडाएको अनुभव छ ।

 तपाई जस्ता शारारिक अपाङ्गता भएकाहरुलाई के सुझाव दिनुहुन्छ ?

समय लाग्न सक्छ । अपाङ्गता भएका व्यक्तिले आफ्नो आवाज उठाउँदै जाने हो भने अवश्य सफलता पाँउन सकिन्छ । अपाङ्गता भए भनेर हरेश खानु हुँदैन् । अगाडी बढ्नुपर्छ । संगठित हुनुपर्छ । हामी अपाङ्गता भएका व्यक्तिहरुले अन्य व्यक्तिहरुसँग भेटेर हाम्रो भावना, उर्जा सफलतालाई साटासाट गरेर क्षमतावान बन्ने प्रण गर्नुपर्छ । मलाई पनि पहिले धेरै गाह्रो भएको थियो । तर अहिले म सजिलै लेख्न सक्छु । कम्प्युटरमा टाइप गर्न सक्छु । दैनिक जीवनमा हरेक कामहरु अरु व्यक्तिहरु सरह गरिराखेको छु ।

 सवैभन्दा ठूलो कुरा आत्मबल रहेछ भन्ने तपाईबाटै प्रमाणित हुन्छ, यदापि अपाङ्गता भएकालाई अघि बढ्न राज्य, घर परिवार र स्वंयम अपाङ्गता भएकाले के गर्नुपर्छ ?

समाजका हरेक गतिविधिमा अपाङ्गता भएका व्यक्तिहरुलाई पनि समावेश गर्नुपर्छ । उनीहरुलाई शिक्षा, स्वास्थ्य, रोजगार जस्ता विषयमा अवसर दिनुपर्छ । उनीहरुको आवश्यकतालाई वेवास्था गर्नुहुँदैन । उनीहरुलाई पनि अरु मान्छे सरह बाँच्ने, जीवन जीउने रहर हुन्छ । उनीहरुलाई राज्य, घर परिवारले विशेष सहयोग गर्नुपर्छ ।

(हेन्डीक्याप इन्टरनेशनल नेपाल कार्यक्रमका सूचना अधिकृत प्रहलाद गैरेपालीको सहयोगमा सन्दिप वि.कले गर्नुभएको कुराकानी )।

    Comment Here!

Related NEWS
मुख्य खबर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

Read more
ताजा अपडेट
© 2015.All rights reserved by mahilakhabar.com
%d bloggers like this: