‘महिला आत्मनिर्भर हुनु सिङ्गो परिवार समृद्ध हुनु हो’ प्रधानमन्त्री देउवा


प्रकाशित मिति :2017-09-11 17:23:46

-महिला खबर-

काठमाडौं । प्रधानमन्त्री शेरबहादुर देउवाले परिवारमा महिला आर्थिक रुपले सक्षम र आत्मनिर्भर भए सिङ्गो परिवार नै समृद्ध हुने बताउनुभएको छ ।

काठमाडौंमा सोमबारदेखि सुरु भएको अन्तर्राष्ट्रिय महिला व्यवसायी सम्मेलनको उद्घाटन गर्दै देउवाले परिवार समृद्ध भएमात्रै समाज र देशको उन्नति हुने बताउनुभयाे । साना तथा मझौला उद्यमतर्फ महिलालाई आकर्षित गर्न सरकारले लगानीमैत्री वातावरण तयार गर्ने उहाँकाे भनाई छ ।

नेपालको संविधानले स्थानीय तह, प्रदेश, प्रतिनिधि सभा लगायत क्षेत्रमा महिला सहभागितालाई सुनिश्चित गरेको भन्दै देउवाले  महिलालाई सशक्त र अधिकार सम्पन्न बनाउने बताउनुभयाे ।

सार्क सचिवाललयका महासचिव अमजद हुसेनले महिलाको आर्थिक र सामाजिक क्षेत्रमा सुधार गर्न महिला उद्यमशीलताको विकास गर्नुपर्ने बताउनुभयो ।

उद्योगपति विनोद चौधरीले महिलाहरुको उधोग व्यवसायमा सहभागिता न्यून रहेको बताउनुभयो ।

श्रीलंकाका प्रा.मैथ्रिविक्रमा सिङघेले दक्षिण एशियाका महिलाहरु गरिबी, अशिक्ष, पछौटेपनका कारण उद्योग क्षेत्रमा लाग्न नसकेका बताउनुभयो ।

चीनका महिला उद्यमी चेन यानले महिलालाई ज्ञानमा आधारित सूचना प्रविधिको क्षेत्रमा आउन उत्प्रेरणा जगाउनुपर्नेमा जोड दिनुभएको थियो ।

आयोजक संस्थाका अध्यक्ष प्रमिला आचार्य रिजालले महिलालाई उद्योग व्यवसायमा थप आकर्षण गर्न सम्मेलनले सहयोग गर्ने बताउनुभयो ।

दक्षिण एसिया महिला विकास मञ्चले आयोजना गरेको सम्मेलनमा सार्क सदस्य राष्ट्रहरुलगायत १८ देशका ८० महिला उद्यमी तथा नीति निर्माताको सहभागिता रहेको छ ।

दुई दिनसम्म हुने सम्मेलनमा कृषि, पर्यटन, सूचना प्रविधिका क्षेत्रमा संलग्न महिला उद्यमीहरुले हासिल गरेका सफलता, भोग्दैआएका समस्या एवं लगानीका बारेमा छलफल हुने आयोजकले जनाएको छ ।

    Comment Here!

Related NEWS
मुख्य खबर

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

Read more
© 2015.All rights reserved by mahilakhabar.com
%d bloggers like this: