जग्गाको लालपूर्जा र घर बनाइदिने नेतालाई भोट


प्रकाशित मिति :2017-09-13 15:27:23

-यमुना खनाल- 

सिरहा । असोज २ गते हुने स्थानीय तहको निर्वाचनले प्रदेश नम्बर २, मा अहिले रौनक थपेको छ । उम्मेदवारहरु भोट माग्न जनताको घरदैलोमा व्यस्त छन् ।

सिरहाको लहान नपा १ स्थित सुकुम्बासी दलित बस्तीकी महिलाहरु आआफ्नो पीडा सुनाउँदै ।

तर, सिरहाको लहानका बाढी प्रभावित सुकुम्बासी महिलाले जग्गाको लालपूर्जा र घर बनाउन सहयोग गर्ने नेतालाई मात्रै भोट दिने अडान लिएर बसेका छन् । गएको साउन २७ गतेको बाढीले घरबारबिहीन बनेका उनीहरु ओत लाग्ने राम्रो बास र बसेको जग्गाको लालपूर्जा दिलाउनेलाई मात्रै भोट दिने बताउँछन् ।

गत साउन २७ गते आएको बाढीले लहान नपा १ की रेश्मी रामको घर भत्कायो । रेश्मीका चार छोराछोरी र बुहारी भत्केकै घरमा बस्छन् । खर्च नहुँदा उनीहरुले घर बनाउन सकेका पनि छैनन् । गाँउ टोलमा चुनाबी रौनक छाएको छ । तर, उनलाई चुनावको कुनै रौनक छैन ।

भत्केको घरको दलानमा बसेकी उनले भनिन्– ‘भोट माग्न नेताहरु त आउँछन् । तर बसेको जग्गाको लालपूर्जा र घर बनाइदिने नेतालाई मात्र यो पटकको चुनावमा भोट दिन्छु ।’

जग्गा नभएपछि उनी नदी किनारमा घर बनाएर बसेको करिब २० वर्ष बढी भयो । त्यसयता तीन वटा चुनावमा नेपाली काँग्रेसलाई भोट दिएकी उनले अब जग्गाको लालपूर्जा र घर बनाएर विजुली बालिदिने नेतालाई मात्र भोट दिने बताउँछिन् ।

ऐलानी जग्गामा बसेका कारण विद्युत प्राधिकरणले मिटर नदिँदा अँध्यारोमा जीवन बिताउनुु परेको उनले गुनासो गरिन् । ‘चुनावका बेला नेताहरुले विजुली, खानेपानी र लालपुर्जा दिन्छु भन्छन् तर जितेपछि फर्केर कोही आउँदैनन् ।’ उनले भनिन् ।

त्यही बस्तीकी मुनी सदाले पनि घरबास टुंगो लाउनेलाई आफ्नो मत दिने बताइन् । ‘सुकुम्बासी हामीलाई कसैले कुनै वास्ता गरेको छैन्,’ उनले भनिन्, ‘जसले लालपुर्जा दिन्छ, उसैलाई भोट दिने हो ।’ यो पटक पनि भोट लिने तर काम नगर्नेलाई भोट नदिने उनले बताईन् ।

‘सरकारी अस्पताल पुग्दा औषधी दिँदैन । छोराछोरी सरकारी विद्यालय गएपनि राम्रो पढाई हुँदैन्, गर्भा सदाले भनिन्, ‘हामी दलितका छोराछोरी पढ्ने विद्यालय र अस्पताल सुधार्न सक्ने नेता खोजेका छौं । हामीले यस्तो नेतालाई भोट दिन्छौं ।’

यहाँका दलितहरु मजदुरी गरेर जीवन धान्छन् । २० वर्ष पहिले जस्तो अवस्था थियो, आज पनि उनीहरुको आर्थिक अवस्था उस्तै छ । स्थानीय यूवा नेता रामशंकर साहले सबै दलका नेताहरु यहाँका सुकुम्बासी दलितलाई भोट बैंकको रुपमा मात्र प्रयोग गरेको बताए । उनले भने, ‘यो पटक स्थानीय तहलाई सुकुम्बासी व्यवस्थापन गर्न सक्ने र करको दायरामा ल्याउन सक्ने अधिकार दिएको छ । यो व्यवस्थापन गर्न सक्ने उम्मेदवारलाई मात्रै सुकुम्बासीको भोट जानेछ ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: