मायादेवी २ पहिलो बालविवाह मुक्त वडा


प्रकाशित मिति :2017-09-13 16:57:39

-महिला खवर

कपिलवस्तु । मायादेबी गाउँपालिका २, जिल्लाकै पहिलो बालविवाह मुक्त वडा घोषणा गरिएको छ । बालविवाह मुक्त हुनुका साथै वडालाई शतप्रतिशत पूर्ण विद्यालय भर्ना भएको वडा समेत घोषणा गरिएको छ ।

सोमबार लिडो नेपालको सहकार्यमा गाउँपालिकाद्धारा आयाोजित कार्यक्रममा वडा अध्यक्ष सुरफद्दीन मुसलमानले सो घोषणा गर्नुभयो । वडामा विगत एक वर्षयता एउटा पनि बाल बिवाह नभएको र आधारभुत तहका ५ देखि १२ वर्ष उमेरका बालबालिकाहरु विद्यालयको पहुँचमा रहेका प्रतिवेदनको आधारमा बालविवाह मुक्त र शतप्रतिशत भर्ना भएको वडा घोषणा गरिएको हो ।

८ सय ३५ घरघुरी रहेको वडामा मुस्लिम बाहुल्यता छ । कानुनले बिवाहका लागि २० वर्ष पुरा हुनु पर्ने नियम तोकेको छ । नेपाल सरकारले सन् २०३० सम्म मुलुकलाई बालविवाह मुक्त घोषणा गर्ने प्रतिबद्धता अनुसार ५ वर्षदेखि वडामा बालविवाह विरुद्ध अभियान थालिएको वडाअध्यक्ष मुसलमानले बताउनुभयो ।

सन २०१४ मा ५५ वटा बिवाह मध्ये ११ बालविवाह भएको थियो । सन् २०१५ मा ६० विवाह मध्ये १० वटा तथा सन २०१६ मा ४८ मध्ये एउटा मात्र बालविवाह भएको थियो । २ वर्ष भित्र गाउँमा रहेको अल्पसंख्क नेटुवा र दलित जातिमा मात्र बालविवाह भएको पाईएको मुसलमानले जानकारी दिनुभयो ।

सन २०१७ मा अहिलेसम्म वडामा कुनै पनि बालबिवाह नभएको उहाँले बताउनुभयो । ‘गाउँगाउँ र बस्ती बस्तीमा कार्यक्रम सञ्चालन गर्दै बालविवाह नगर्ने लिखिति प्रतिबद्धता गराएका छौं, जसको सकारात्मक परिणाम आएको छ’ उहाँले भन्नुभयो ।

यस्तै वडामा रहेका ५ देखि १२ वर्ष उमेरका सबै १ हजार ४ सय ७८ बालबिालका विद्यालयको पहँुचमा रहेको वडा सचिव रघुनाथप्रसाद चाईले प्रतिबेदन प्रस्तुत गरेका थिए । २०७३ चैतमा वडाको तथ्यांक संकलन गर्दा कुल ३ सय ४७ जना बालबालिका बिद्यालय बाहिर थिए । भर्ना अभियान कार्यक्रम नै सञ्चालन गरी २ विद्यालय, ६ मदरसा र ३ बाल विकास केन्द्रमा उनीहरुलाई भर्ना गराईएको उहाँले बताउनुभयो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: