सुरक्षित गर्भपतनलाई अधिकारको रुपमा लिन जोड


प्रकाशित मिति :2017-09-18 17:40:07

–महिला खबर–

ललितपुर । सुरक्षित गर्भपतनलाई महिलाको अधिकारको रुपमा लिनुपर्ने एक कार्यक्रमका सहभागीहरुले जोड दिएका छन् ।

युथ च्याम्पियन एड्भोकेसी नेपालको आयोजना तथा एसिया सेफ एर्भोसन पाट्र्नसिपको सहयोगमा ललितपुरको पुल्चोकमा आयोजना गरिएको लैंगिक दृष्टिकोणबाट सुरक्षित गर्भपतन विषयक अन्र्तक्रियामा सहभागिले सो कुरामा जोड दिएका हुन् । गर्भपतनलाई अपराधको रुपमा लिन नहुने उनीहरुको निष्कर्ष थियो ।

सांसद आनन्दी पण्डितले असुरक्षित गर्भपतनका कारण धेरै महिलाको मृत्यु हुने गरेको भन्दै गर्भपतनलाई महिलाको मौलिक हकको रुपमा राख्नुपर्ने बताउनुभयो । उहाँले सुरक्षित गर्भपतन सम्बन्धी विधेयक संसदमा छलफल हुन बाँकी रहेको र छिट्टै संसदबाट पास हुने बताउनुभयो ।

स्वास्थ्य सचिव किरण रेग्मीले नेपालमा गर्भपतनले कानुनी मान्यता पाइसकेको भन्दै सुरक्षित गर्भपतनलाई सरकारले नै सर्वसुलभ बनाउनुपर्ने बताउनुभयो ।

एसिया सफ एर्भोसन पार्टनरसिपकी डा. सुचित्रा डलवीले गर्भपतनलाई हेर्ने पितृसतात्मक सोचलाई परिवर्तन गर्नुपर्ने बताउनुभयो । उहाँले समाज अझैपनि छोरा चाहिन्छ भन्ने मान्यताले असुरक्षित गर्भपतन हुने गरेको बताउनुभयो ।

नेपाल हेल्थ सेक्टर सर्पोट प्लानकी डा. इन्द्रा बस्नेतले सुरक्षित गर्भपतन सेवाको दायित्व सरकारको भएको भन्दै यसलाई आधारभूत सेवाको रुपमा सर्वसुलभ बनाउनुपर्नेमा जोड दिनभयो ।

आइपास नेपालका दिर्घराज श्रेष्ठले नेपालमा गर्भपतनलाई कानुनी मान्यता दिएपनि मानसिकतामा भने परिवर्तन हुन नसकेको बताउनुभयो ।

वातावरण स्वास्थ्य र जनसंख्या कार्यक्रम अनुसन्धान केन्द्र(कृपा)का निर्देशक आनन्द तामाङले ग्रामिण क्षेत्रका महिलाहरुमा सुरक्षित गर्भपतन सम्वन्धि ज्ञान नहुँदा समस्या हुने गरेको बताउनुभयो । महिलाहरुलाई सुरक्षित गर्भपतन गर्ने अधिकार भएपनि परिवारका दवावका कारण गर्भपतन गर्नबाट रोकिने गरेको बताउनुभयो ।

केन्द्रिय प्रजनन् अधिकार(सिआरआर)का पूर्ण श्रेष्ठले नेपालमा विगत १५ वर्षमा गर्भपतनका विषयमा धेरै परिवर्तन भएपनि त्यतिकै चुनौति रहेको बताउनुभयो ।

युथ च्याम्पियन एड्भोकेसी नेपालकी अध्यक्ष स्मृति थापाले सुरक्षित गर्भपतनलाई लैंगिकताको दृष्टिकोणले हेर्नुपर्ने भन्दै असुरक्षित गर्भपतनलाई शून्यमा ल्याउनुपर्ने बताउनुभयो ।

युथ च्याम्पियन पुष्पा जोशीले महिलालाई महिनावारी हुँदादेखि नै विभेद हुने गरेको भन्दै गर्भपतनका विषयमा सचेतनाको आवश्यकतामा जोड दिनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: