श्रीमानबाटै बेच्ने प्रयास : बिहे गरेको तीन महिनामै श्रीमतीलाई दलालको जिम्मा


प्रकाशित मिति :2017-09-19 11:53:19

-गगन अयडी-
बाजुरा । छेडेदह गाउँपालिका–५ टुडाकी २३ वर्षीया कुन्ताकुमारी बुढा उपचारका लागि असार ०७४ मा भारतको नयाँदिल्लीस्थित अस्पतालमा गइन् । तर, अस्पताल पुग्नुअघि नै उनी महिला बेचबिखन गर्ने दलालको फन्दामा परिन् ।

कुन्ताकुमारी र छेडेदह गाउँपालिका–१ रानाका २५ वर्षीय शुके रोकायाबीच वैशाख ०७४ मा प्रेमविवाह भएको थियो । विवाह भएको करिब दुई महिनामै उनी बिरामी परिन् । बिरामी भएपछि उनी श्रीमान्सँग उपचारका लागि भारतको नयाँदिल्ली गइन् । तर, अस्पताल नपुग्दै भारतमा रहेका महिला बेचबिखन गर्ने दलालको फन्दामा परिन् ।

कुन्ता र शुकेबीच गाउँमा केही दिनअघि विवाद भएको थियो । कुन्ताले उजुरी गरेपछि इलाका प्रहरी कार्यालय डोगढीमा उनीहरूबीच मेलमिलाप भएको थियो ।

भारतको नयाँदिल्ली पुगेपछि श्रीमान् सुकेले उपचार गर्न अस्पतालमा नलगी टेम्पो चालकका साथ लगाएर सडकमै छोडेर भागेको कुन्ताकुमारीले बताइन् । टेम्पु चालकसँग श्रीमान्बारे सोध्दा उसले घर गइसकेको र सबै उपचार आफँैले गरिदिने बताएको कुन्ताको भनाइ छ । उसले आफूसँगै जाऊँ भनेर हातपात गर्न खोजेपछि सडकमै कराएको उनले बताइन् । कराउन थालेपछि टेम्पोचालकले राम्रो पैसा कमाइ हुने ठाउँमा लैजाने, मीठोमीठो खान दिने लोभ देखाएको कुन्ताको भनाइ छ । ‘धेरै बेरसम्म कराएपछि पुलिस आए,’ उनले भनिन् ।

पुलिसलाई सबै कुरा बताएपछि आफन्तसँग सम्पर्क गराएको कुन्ताले बताइन् । पुलिसले थाहा पाएपछि टेम्पोचालकले सडकमा छोडेर भागेकोे उनको भनाइ छ । प्रहरीले आफन्तकहाँ पु¥याइदिएपछि उनीहरूकै सहयोगमा नेपाल आएको बुढाले बताइन् ।

‘नेपाल आएर जिल्ला प्रहरी कार्यालय बाजुरामा उजुरी दिए,’ उनले भनिन् । दलाललाई श्रीमती जिम्मा लगाउने रोकाया भने फरार रहेको इलाका प्रहरी कार्यालय दोगढीले जनाएको छ । कुन्ताका आफन्तले भने रोकायाले यसअघि पनि गाउँका चेलीबेटी भारत लगेर बेचेको आरोप लगाएका छन् ।

साभार : नयाँ पत्रिका दैनिक

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: