दोलखामा ३७ प्रतिशत मात्रै परिवार नियोजनका साधनको प्रयोगकर्ता


प्रकाशित मिति :2017-09-19 16:08:51

-सर्मिला बुढाथोकी

दोलखा । दोलखा जिल्लामा परिवार नियोजनको साधनका प्रयोगकर्ता ३७ प्रतिशत मात्रै रहेको एक तथ्याङ्कले देखाएको छ ।

चौथो परिवार नियोजन दिवसको अवसरमा जिल्ला स्वास्थ्य कार्यालय दोलखाले सार्वजनिक गरेको तथ्याङ्क अनुसार दोलखामा ६३ प्रतिशत प्रजनन उमेरका व्यक्तिले परिवार नियोजन साधनको साधन प्रयोग नगर्ने पाइएको हो ।

नेपाल सरकारको दिगो विकास लक्ष्य अनुसार ७५ प्रतिशत प्रजनन् उमेर समुहका व्यक्तिले परिवार नियोजनको साधनका प्रयोग गरेको हुनुपर्छ । तर, उक्त दरभन्दा ३८ प्रतिशत कम यहाँको परिवार नियोजनको साधन प्रयोगको दर रहेको छ ।

दोलखामा वैदेशिक रोजगार तथा परिवार नियोजनसँग सम्बन्धित सहयोगी संस्थाहरु सक्रिय नहुनुले पनि परिवार नियोजनको प्रयोगदर घटेको हुन सक्ने जिल्ला स्वास्थ्य कार्यलय दोलखाका परिवार नियोजन निरीक्षक नवराज कँडेलले बताउनुभयो ।

परिवार नियोजनको साधन नअपनाउदा अनिच्छित गर्भधान हुने र गर्भपतन गराउनुपर्दा बाँझोपन, पाठेघरमा संक्रमण तथा महिलाको स्वास्थ्यमा दीर्घकालीन असर पर्ने भएकाले परिवार नियोजनका साधन प्रयोगमा सचेत हुन पर्ने निरीक्षक कँडेलको भनाई छ ।

परिवार नियोजन प्रयोगदर बढाउनका लागि लामो अवधिको जन्मनान्तरको परिवार नियोजन आयूसीडि र इम्प्लानट स्याटलाईट क्लिनक मार्फत विस्तार गर्ने, जिल्लाका हरेक स्वास्थ्य चौकीमा वर्षै भरी कण्डम, पिल्स, डिपो लगायतका अस्थाई साधनको आपूर्तिमा जोड दिने लगायतको रणनीति रहेको जिल्ला स्वास्थ्य कार्यलय दोलखाले जनाएको छ ।

    Comment Here!

Related NEWS
मुख्य खबर

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

Read more
© 2015.All rights reserved by mahilakhabar.com
%d bloggers like this: