पकिस्तानको लाहोर उपनिर्वाचनमा महिला उम्मेदवारको जित


प्रकाशित मिति :2017-09-20 12:09:23

पकिस्तानको लाहोरमा आइतबार सम्पन्न चुनावमा कुलसूम नवाज ६१,२५४ मत ल्याएर विजयी भएकी छन् । उनी पकिस्तानको भूतपूर्व प्रधानमन्त्री नवाज शरीफकी श्रीमती हुन् । स्थानीय संचार माध्यमका अनुसार उनले आफ्नो निकटतम प्रतिद्धन्दी भन्दा १४,१८८ बढी मत ल्याएर चुनाव जितेकी हुन् । भ्रष्टाचारको अभियोग लागेपछि उनका श्रीमानले पदबाट राजीनामा दिएका थिए ।

गत जुलाई महिनामा सर्वोच्च अदालतले भूतपूर्व प्रधानमन्त्री नवाज शरीफलाई जिम्मेवारी र पद सम्हाल्न अयोग्य भएको ठहर गरेको थियो । यो चुनावलाई सत्तारुढ दल र विपक्षी दल दुवैले सोे निर्णयको जनमतको रुपमा लिएका छन् । उनकी श्रीमतीले उनकै ठाउँबाट उनकै स्थानका लागि चुनाव लडेकी थिईन्।

कुलसूम नवाज अहिले क्यान्सरको उपचारका लागि लण्डनमा छिन्। उनकी छोरी मार्यामले पाकिस्तान मुस्लिम लिग (नवाज) दलको चुनावी प्रचारप्रसारको जिम्मा लिएकी थिईन्।

“यो साधारण किसिमको जित होइन,”मार्यामले आफ्ना दलका समर्थकहरुसँग भनिन्, “तपाईंहरुले दृश्य र अदृश्य दुवै शत्तिलाई हराउनु भएको छ ।”

मार्यामले भनिन्–‘यो आफ्नै गृह जिल्लामा भएको जितले आफ्नो बुवालाई अयोग्य भनेर गरिएको ‘अन्यायपूर्ण निर्णय’ जनताले अस्विकार गरेको देखाउँछ ।

डन न्यूजले जनाए अनुसार ३ लाख २० हजार मतदाताले उक्त चुनावमा भाग लिएका थिए । पाकिस्तानको इतिहास मै पहिलोपल्ट विद्युतीय प्रणालीबाट मतदान गरिएको थियो ।
साभारः–बिबिसी

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: