तिम्ल्याहा शिशु जन्माएकी सुत्केरीको बिजोग


प्रकाशित मिति :2017-09-25 14:56:43

-महिला खबर-

सुनसरी । आर्थिक अभावका कारण तिम्ल्याहा बच्चा जन्माएकी सुत्केरी महिला र बच्चाको बिजोग भएको छ । सुनसरी देवानगञ्जकी रुनादेवी ऋषिदेवको घरमा खाने कुरा, लगाउने कपडा समेत नहुँदा सुत्केरी र नवजात शिशुको बिजोग भएको हो ।

रुनादेवीले एक हप्ता अगाडि घरमै तीन जना बच्चा जन्माउनु भएको हो । सुरक्षित रुपमा अस्पतालमा जन्म नभएका कारण तीनमध्ये एक शिशुको ज्यान गएको छ ।

अहिले दुई शिशु र आमाको स्वास्थ्य अवस्था नाजुक रहेको छ । देवानगंज गाँउपालिकाका कार्यकारी अघिकृत शिव निरौलाका अनुसार गर्भवती अवस्थामा पनि रुनादेवीले स्वास्थ्य जाँच गराउनुभएको थिएन ।

अहिले २ शिशुको स्वास्थ्य अवस्था जटिल भएपनि उपचार गराउन अस्पताल लगेका छैनन् । तिम्ल्याहा बच्चा घरमै जन्मिएका जानकारी आएपछि देवानगंज गाउँपालिकाका कार्यकारी अधिकृत शिवकुमार निरौला स्थानीय स्वास्थ्यचौकीका अहेव सहित घरमै पुग्नुभयो उहाँले पाँच हजार रकम सहयोग समेत गर्नुभयो ।

दैनिक मजदुरी गरी जीविका गर्ने रुनादेवीको परिवारमा निरौलाले दिएका सहयोग रकम खानामै खर्च भएकोले शिशुलाई अस्पताल लगेका छैनन् । ३० वर्षीया रुनादेवीले चौथो सन्तानका रुपमा तीनजना वच्चालाई जन्म दिएकी हुन् । यसअघिनै दुई जना छोरी र एक जना छोरा छन् ।

रुनादेवीका श्रीमान सुरेश ऋषिदेव मजदुरी गर्छन् । खानेलाउने समस्या भएको ऋषिदेव परिवारमा रुनादेवी र बच्चाको उपचारका लागि सहयोगको आवश्यकता रहेको कार्यकारी अघिकृत निरौलाले बताउनुभयो । रुनादेवीको परिवारले पनि सहयोगको आग्रह गरेको छ ।

    Comment Here!

Related NEWS
मुख्य खबर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

Read more
© 2015.All rights reserved by mahilakhabar.com
%d bloggers like this: