विद्यार्थी चढ्ने सवारीमा महिला चालक अनिवार्य


प्रकाशित मिति :2017-09-26 08:57:48

-महिला खबर-

भारतको तेलंगनाका विद्यालय र कलेजका महिला विद्यार्थी चढ्ने बसहरुमा अबदेखि महिला चालकको व्यवस्था गरिने भएको छ ।

केन्द्रिय सरकारले महिला चालक र सवारी परिचालकहरुलाई तालिमको व्यवस्था पनि गर्ने भएको छ । महिला तथा बालबालिका मन्त्री मनेका गान्धीले भन्नुभयो, ‘नरेन्द्र मोदीको सरकारले प्रान्तिय सरकारलाई महिला सवारी चालकको तालिमको लागि चाहिने रकम निकास गर्ने छ ।

तेलंगनाको महिला विकास र बालबालिका कल्याण कार्यालयका निर्देशक भिजेन्द्र बोयीले द टाइम्स् अफ इन्डियासँगको कुराकानीमा भने अनुसार उहाँको कार्यालयले नीजि क्षेत्रका सबै विद्यालयहरुका व्यवस्थापन पक्षलाई महिला चालक र सहयोगीहरु विद्यार्थी चढ्ने सबै सवारी साधनहरुमा भर्ना गर्नू भनेर चिट्ठी लेखिरहेको छ।

यो पहल विशेष गरी बालिकाको सुरक्षालाई ध्यानमा राखेर गरिएको हो । यो निर्णय हालै घटेका यौन दुव्र्यवहार र हिंसात्मक घटनाहरु जस्तै गुरगाउँको र्यान विद्यालयमा भएको हत्या काण्डको पृष्टभूमिमा गरिएको हो।

मन्त्री मनेका गान्धीले हालैको हाइद्राबादको भ्रमणको क्रममा तेलंगनाको महिला विकास र बालबालिका कल्याण कार्यलयका पदाधिकारीहरुलाई यो परियोजनाको कार्यन्वयनको लागि पहल गरेकी थिईन्।

पदाधिकारीहरुले भारतीय उद्योग वाणिज्य संघको महिला संगठनको मद्दत लिने भएका छन्। संगठनले धेरै जना महिलालाई सवारी चालकको तालिम दिइसकेको छ।

निर्देशक भिजेन्द्र बोयीले सबभन्दा पहिले पुरुष सहयोगीको ठाउँमा महिला सहयोगीलाई भर्ना गरिने र अर्को चरणमा महिला सवारी चालकहरुलाई नियुत्ति गर्ने योजना बताए।

“हामीले विद्यालय शिक्षा र यातायात विभागका पदाधिकारीहरुसँगको बैठकमा महिला यातायात चालक र सहयोगीहरुको नियुक्ती सुनिश्चितताको बारेमा छलफल गरिरहेका छौं,” बोयीले भन्नुभयो, “अहिले नै केही विद्यालयका बसहरुमा महिला सहयोगीहरु छन्। मेरो बच्चाको विद्यालयको बसमा पनि महिला सहयोगी छिन्।”
साभारः– द टाइम्स् अफ इन्डिया

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: