चाडपर्वमा हिंसा रोक्न घरेलु मदिरा नियन्त्रण गर्दै छौं – प्रनाउ कार्की


प्रकाशित मिति :2017-09-27 21:17:14

जिल्ला प्रहरी कार्यालय दोलखाले मदिरा नियन्त्रणको लागि विशेष अभियान सञ्चालन गरेको छ । महिला हिंसा, घरेलु हिंसा, विभिन्न आपराधिक घटनाको मुख्य कारक घरेलु मदिरा हुने गरेकोले पनि घरेलु मदिरा नियन्त्रणलाई प्राथामिकताका साथ अगाडि बढाईएको प्रहरीले जनाएको छ । यसै सेरोफेरोमा महिला खबर संवाददाता सर्मिला बुढाथोकीले जिल्ला प्रहरी कार्यालय दोलखाका प्रहरी नायव उपरीक्षक रामेश्वर कार्कीसँग गरेको कुराकानी :-

दशैंमा मदिराको अत्याधिक प्रयोग हुने गरेको छ । यसलाई रोक्न प्रहरीको के योजना छ ?
मदिराकै कारण विभिन्न आपराधिक घटनामा बृद्धि भएको साँचो हो । महिला हिंसा, घरेलु हिंसा जस्ता गतिविधिहरु बढेको र कानून अनुसार अवैधानिक समेत भएकोले हामीले दोलखा जिल्लालाई घरेलु मदिरा मुक्त जिल्ला बनाउने विशेष अभियान चलाई रहेका छौ । दशै तिहार जस्ता चाडवाडमा यसको प्रयोग अस्वभाविक हुने भएकोले जिल्ला प्रशासन कार्यालय, जिल्ला प्रहरी कार्यालय र कोष तथा लेखा नियन्त्रण कार्यालयको विशेष टोलि बनाएर होटलहरु सर्च गर्ने, शंकास्पद ठाँउमा खानतलासी गर्ने जस्ता कामहरु भइरहेका छन् । साथै सिल प्याक मदिराहरु पनि कानुनी रुपमा अनुमति लिएर बिक्री वितरण भएको छ की छैन भन्ने पनि अनुगमन भै रहेको छ ।

– घरेलु मदिराका कारण कस्ता कस्ता घट्नालाई बल पुगेको पाउनु भएको छ ?

जिल्ला प्रहरी कार्यालयमा आउने उजुरी र प्रहरीले गस्तीको क्रममा भेटेको घट्नाहरुलाई हेर्दा घरेलु मदिराका कारण घरेलु हिंसा, बालबालिका माथि हुने हिंसा, जर्वजस्ती करणी, बालबालिका कुलतमा लाग्ने जस्ता अपराधिक गतिविधि हुनुमा घरेलु मदिरा मुख्य कारक पाईएको छ । त्यसैले पनि यसको पूर्ण नियन्त्रण आवश्यक छ ।

– दोलखा प्रहरीमा दर्ता भएका आपराधिक घट्नाहरुमा बढी कस्ता खालका घट्नाहरु छन् ?

जिल्ला प्रहरी कार्यालयमा दर्ता भएका आपराधिक घटनाहरुमा जर्वजस्ती करणी, जर्वजस्ती करणी उद्योग, अनुसूचि १ अनुसारको विभिन्न फौजदारी प्रकृतिका आपराधिक घटनाहरु बढी पाईएको छ ।

– विशेषगरी महिला पीडित भएका अपराधिक घट्नाहरु मिलापत्रमा टुङ्गिने भएकोले पीडितले न्याय पाउन सक्दैनन् भन्ने गरीन्छ नी ?

दोलखा प्रहरीले अहिलेसम्म कुनै पनि अपराधिक घट्नामा मिलापत्र गराएको छैन् । र दोलखा प्रहरीले मुद्धा चलाएका घट्नाहरुमा आरोपी साधारण तारेखमा छुटेको रेकर्ड पनि छैन । तर कुनै कुनै बेला श्रीमान श्रीमती बीचको झगडा आउँदा दुबैको सहमतिमा मिलेर जाने गरेको केही उदाहरण भने छन् ।

– दोलखा जिल्लामा आत्महत्याका घट्नाहरु पनि निक्कै हुने गरेको तपाईंहरुकै तथ्याङ्कले देखाएको छ । यसको कारण के पाउनु भएको छ ?

अन्य जिल्लाको तुलनामा दोलखा जिल्लामा आत्महत्या गर्नेको संख्या निक्कै बढी छ । आत्महत्या गर्नेमा महिलाहरु नै बढी पाईएको छ । उमेरको हिसाबले हेर्दा सबै उमेर समूहको पाईन्छ । आत्महत्या गर्नुको तथ्यगत कारण त पाउन मुश्किल छ किनभने मर्नेले त्यस्तो केहि खुलाएर गएको हुँदैन तर सामान्यत घरायसी विवादकै कारण आत्महत्या गरेको धेरै पाईन्छ ।

– दशैं तिहार जस्ता चाडपर्वमा जुवा तासको चर्चा पनि निक्कै हुने गर्छ । दोलखामा जुवातास नियन्त्रणको प्रयास कस्तो छ ?

जुवा तासका कारण धेरैको परिवार भाडिएको छ । घरेलु हिंसाको कारण पनि जुवा तास हुने गरेको छ । यो गैर कानुनी पनि छ त्यसैले हामीले यसको नियन्त्रणको लागि अभियान चलाएका छौ । चाडपर्व वा अन्य कुनै वहानामा जुवा तासले छुट पाउन सक्दैन । कसैले जुवातास खेलेको पाईएमा मुद्धा चलाएर कारबाही प्रकृया अगाडि बढाउँछौ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: