प्रमुख दलले प्रत्यक्ष उम्मेदवार बनाउन सिफारिस गरेका महिलाहरु (हेर्नुहोस् नामसहित)


प्रकाशित मिति :2017-10-06 16:02:57

महिला खबर

काठमाडौं । आगामी मंसिर १० र २१ गते हुने प्रतिनिधिसभा र प्रदेशसभा निर्वाचनका लागि प्रमुख दलहरुले प्रत्यक्षतर्फ आकांक्षी महिलाहरुको नाम सिफारिस गरेका छन् ।

प्रत्यक्षतर्फ महिला आकांक्षी देखिएपछि कांग्रेस, एमालेले र माओवादी केन्द्रले प्रतिनिधि र प्रदेशसभाको निर्वाचनमा सिफारिस गरेका हुन् ।

नेपाली कांग्रेस तेह्रथुमले केन्द्रीय सदस्य तथा राज्यमन्त्री सीता गुरुङलाई संघको प्रत्यक्षतर्फको उम्मेदवार बनाउन सिफारिस गरेको छ ।

पाँचथर कांग्रेसले प्रदेशसभाका लागि क्षेत्र नं २ बाट प्रत्यक्षतर्फ सूर्यकुमारी नेम्वाङ र गंगा चेम्जोङको नाम सिफारिस गरेको छ ।

त्यसैगरी एमाले तेह्रथुमले संघीय निर्वाचनमा प्रत्यक्षतर्फ विष्णुमाया विक, क्षेत्र नं २ बाट लक्ष्मी कार्की, प्रदेशसभा क्षेत्र नं २ मा सिर्जना लामाको नाम सिफारिस गरेको छ ।

नेकपा एमाले अछामले प्रतिनिधिसभा र प्रदेशसभा निर्वाचनका लागि प्रत्यक्षतर्फ चार जना महिलाको नाम सिफारिस गरेको छ ।
प्रतिनिधि सभाका लागि क्षेत्र नं. २ मा प्रत्यक्षतर्फ तारा कडायतको नाम सिफारिसमा परेको छ । प्रदेशसभामा लक्ष्मी उपाध्याय (भट्टराई), निर्मलाकुमारी साउद र गौमती शाहीलाई सिफारिस गरेको ।

एमाले बैतडीले क्षेत्र नं २ बाट प्रदेश सभाका लागि सुशीला सिहंको नाम सिफारिस गरिएको छ ।

एमाले जिल्ला कमिटी ओखलढुंगाले संघीय प्रतिनिधिसभा र प्रदेशसभाका लागी प्रत्यक्षतर्पm एक जना महिलाको नाम मात्र सिफारिस गरेको छ ।

ओखलढुंगाको निर्वाचन क्षेत्र नं. २ मा प्रत्यक्ष तर्फ अनेरास्ववियु विदेश विभाग सदस्य अनिता गिरीको नाम सिफारिस गरेको हो ।
त्यस्तै एमाले कास्कीले चार जना महिलाको नाम प्रत्यक्षतर्फ सिफारिस गरेको छ । कास्की क्षेत्र न ३ बाट प्रतिनिधि सभाको लागि उमा कोइरालाको नाम सिफारिस भएको छ । कास्की क्षेत्र नं १ ‘क’ बाट प्रदेश सभाको लागि सरिता कुमाललाई एमालेले केन्द्रमा सिफारिस गरेको छ ।

प्रदेश सभा कास्की क्षेत्र न ३ ‘क’ बाट सरस्वती अधिकारीको नाम सिफारिस भएको छ भने क्षेत्र न ३ ‘ख’ बाट देबका पहारीको नाम सिफरिस भएको छ ।

त्यसैगरी माओवादी केन्द तेह्रथुमले संघीय निर्वाचनमा प्रत्यक्षतर्फ क्षेत्र नं २ मा पोलिटब्यूरो सदस्य सुशीला कन्दङ्वाको नाम सिफारिस गरेको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: