एक वर्षमा ६६ वटा बालविवाह


५२ प्रतिशत बाल विवाह अभिभावकले नै गरिदिन्छन्

प्रकाशित मिति :2017-10-11 09:51:50

–महिला खबर–

काठमाडौं । नेपालमा एक वर्षको अवधीमा ६६ वटा बाल विवाह भएका छन् ।

केन्द्रिय बालकल्याण समितिले आर्थिक वर्ष २०७३ को साउनदेखि २०७४ असार मसान्तसम्मका विभिन्न सञ्चार माध्यममा प्रकाशित बाल संरक्षणसँग सम्बन्धित घटनाहरु समावेश गरी तयार पारेको प्रतिवेदनमा ७० प्रतिशत बालक र बालिकाले उमेर नपुगि विवाह गर्ने गरेको तथ्य सार्वजनिक गरेको हो ।

समितिले एक वर्षको अवधिमा सञ्चार माध्यममा ६६ वटा बालविवाह भएको घटनाहरु प्रकाशित भएको बताएको छ । बालविवाह विशेष गरी बालक र बालिका दुवै जनाको उमेर नै नपुगी गरिने विवाह हो ।

६६ वटा बालविवाह मध्ये ७० प्रतिशत अर्थात २३ जोडी (४६ जना) बालक र बालिकाले उमेर नै नपुगि विवाह गरेकोे प्रतिवेदनमा उल्लेख छ ।
त्यसैगरी बालिका र वयस्क पुरुषबीच २३ प्रतिशत (१५ जना) विवाह भएको छ भने बालिका र बृद्ध अर्थात अनमेल विवाह ७ प्रतिशत (५ जना) भएको घटना समितिले प्रतिवेदनमा उल्लेख गरेको छ ।

त्यस्तै ५२ प्रतिशत बालविवाह अभिभावकले नै गरिदिने गरेकोे समितिको प्रतिवेदनमा उल्लेख छ । समितिले सबैभन्दा बढी अभिभावकद्वारा ५२ प्रतिशत (३४ जना) र भागी विवाह ४८ प्रतिशत (३२ जना) भएका बताएको छ ।

३० बालिकाले गरे गर्भपतन

समितिले विभिन्न सञ्चारमाध्यममा प्रकाशित घटनाका आधारमा उमेर नै नपुगि विवाह गर्दा बालिकाको स्वास्थ्यमा समस्या देखापरेपछि ३० बालिकाले गर्भपतन गरेको बताएको छ ।

आर्थिक वर्ष २०७३÷०७४ कोे अवधिमा प्रथम चौमासिकमा सबैभन्दा बढी १२ जना बालिकाले गर्भपतन गराएका छन् भने अन्तिम चौमासिकमा १० जना र दोस्रो चौमासिकमा ८ जना बालिकाले गर्भपतन गराएका छन् ।

विश्व स्वास्थ्य संगठनले गर्भपतन गर्ने तोकेको समयावधि भित्र अर्थात सुरक्षित गर्भपतन ५६ प्रतिशत (१७ जना) र उक्त अवधि वाहेक असुरक्षित गर्भपतन गराउने बालिका ३४ प्रतिशत (१३ जना) रहेका छन् ।

यसैगरी १५ वर्षमुनिका २७ प्रतिशत (८ जना) र १६ देखि १८ वर्ष सम्मका ७३ प्रतिशत (२२ जना) बालिकाले गर्भपतन गराएका छन् ।
डोटी जिल्लाको जिल्ला स्वास्थ्य कार्यालयका अनुसार आ.व. २०७३÷७४ को साउनदेखि बैसाख महिनासम्म २० वर्षभन्दा कम उमेर समूहका ४७ जनाले गर्भपतन गराएका समितिले बताएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: