बाल विवाहले निम्त्याएको पीडाः श्रीमानको यातनासँगै चार सन्तानको अभिभारा


प्रकाशित मिति :2017-10-11 10:50:46

-सर्मिला बुढाथोकी-

दोलखा । २६ बर्षको उमेरमा चार सन्तानकी आमा बनेकीे सिन्धुपाल्चोककी देवी खातीलाई बिहान बेलुकीको छाक कसरी टार्ने ? भन्ने चिन्ताले सताइरहन्छ ।

सदरमुकाम चरिकोटको एउटा कटेरोमा दैनिकी बिताइरहेकी देवीको गुजाराको विकल्प भनेकै दैनिक मजदुरी हो । ‘जुन दिन मजदुरी गर्न पाइदंैन, त्यो दिन आफू र चार सन्तानलाई हात मुख जोर्न धौ–धौ पर्छ,’ उनले भनिन् ।

दोलखा भीमेश्वर नगरपालिका वडा नम्बर–३ स्थित माइती घरमा बस्दै आएकी देवीले काम नपाएको हप्ता बित्न थालेछ । भनिन्,– ‘काम नपाएको हप्तादिन बितिसक्यो, छोराछोरीलाई चाडपर्वमा नयाँ लुगा किनिदिनु त टाढाकै कुरा राम्रोसंग खाना समेत ख्वाउन सकेकि छैन ।’
१४ बर्षको उमेरमै वैवाहिक जीवनमा बाँधिएकी उनका अहिले १२ बर्ष, आठ बर्ष, पाँच बर्ष र तीन बर्षका छोराछोरी छन् । सिन्धुपाल्चोकको बाह्रविसे घर भए पनि श्रीमानले जाँड रक्सी खाएर सधै कुट्न थालेपछि माइती आएर बसेको उनले बताइन् ।

एकातिर अभाव, अर्कोतिर जँड्याहा श्रीमानको रातदिनको यातना । मजदुरी गरेको पैसा पनि श्रीमानले जाँड दारुमा खर्चिने भएपछि घर छोडेर छोरा छोरीसहित माइतीको नजिकै बस्न थालेको उनले बताइन् ।

‘आफ्नो खुट्टामा उभिन सक्ने भएरमात्र विवाह गर्नुपर्ने रहेछ । विवाहको महत्व नबुझ्दै अरुको लहलहमा विवाह गरेँ । अहिले निल्नु न ओकल्नु भएको छ’ देवीले भनिन्, चाँडै विवाह भएपछि सन्तान पनि चाँडै जन्मिए । श्रीमान गैर जिम्मेवार भएपछि छोराछोरीको ललनपालन पनि मेरै थाप्लोमा पर्यो ।’

घरमा खान लाउन समस्या हुन थालेपछि बुबाआमासँगै १२ वर्षीय छोरीलाई पनि रोजगारीका लागि भारत पठाएको उनले बताइन् । ‘के गर्नु आफूसँगै राखेर पालन पोषण गर्न सकिनँ । आफ्नै पेट त पाल्छे भनेर नाबालक छोरी भारत पठाएँ’ उनले पीडा सुनाइन् ।
‘कुनै बेला विरामी भएर मजदुरी गर्न जान नसक्दा भोकै बस्नुपर्छ । चार जनाको परिवारमा मजदुरी गरेर खानै पुग्दैन । आज कमाए आजै

सकिन्छ, भोली कमाए भोलीनै सकिन्छ’–देवीले भनिन् ।  देवीले सात महिनादेखि चरिकोटमा मजदुरी गर्दै आएको बताइन् । मजदुरी गरेको पैसाले खाना त पुग्दैन छोराछोरीलाई राम्रो शिक्षा र स्वास्थ्य दिने कुरा उनका लागि धेरै टाढाको विषय भएको उनले बताइन् ।

‘न छोरा छोरी पढाउन सकियो, न विरामी, गाह्रो अप्ठेरो हुँदाका लागि पैसा नै जोगाउन सकियो । अरुले दिएका फाटा पुराना लगाएर गुजारा गरिरहेकी छु’ –देवीले भनिन् ।

कसैले छोरा छोरी पढाइदिए चिन्ता कम हुने उनी बताउछिन् । ‘दसैं त सधंै आउछ, कुनै दिन पैसा कमाउन सकियो भने राम्रोसंग मनाउला । तर, छोराछोरी पढाउने कसरी ?’ देवीले गुनासो गर्दै भनिन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: