महिला उद्यमी महासंघको अध्यक्षमा रिजाल निर्विरोध


प्रकाशित मिति :2017-10-11 15:53:21

–महिला खबर–

काठमाडौं । महिला उद्यमी महासंघको अध्यक्षमा शारदा रिजाल निर्विरोध निर्वाचित भएकी छन् ।

हिजो भएको महासंघको १४ औं वार्षिक साधारण सभाले रिजालको नेतृत्वमा नयाँ कार्यसमिति चयन गरेको हो । राजधानीमा भएको साधारण सभाले रिजालको नेतृत्वमा १९ सदस्य मध्ये १८ जनाको नयाँ कार्यसमिति निर्विरोध चयन गरेको हो ।

महासंघको अध्यक्ष पदमा शारदा रिजालको मात्र उम्मेदवारी परेपछि उनी निर्विरोध निर्वाचित भएकी हुन् ।

रिजाल वर्तमान कार्यसमितिमा प्रथम उपाध्यक्ष थिइन् । महासंघकी कार्यकारी सदस्य मनिषा घिमिरेले सहमतिका लागि अध्यक्ष पदमा दिएको उमेदवारी फिर्ता गरेपछि रिजाल निर्विरोध निर्वाचित भएकी हुन् ।

आज भएको द्वितीय उपाध्यक्षको निर्वाचनमा निरु रायमाझी विजयी भएकी छन् । त्यसैगरी, नयाँ कार्यसमितिको प्रथम उपाध्यक्षमा रिता सिंह, तृतीय उपाध्यक्षमा शोभा ज्ञवाली, महासचिवमा दर्शना श्रेष्ठ, सचिवमा सुनिता वैद्य श्रेष्ठ र कोषाध्यक्षमा हजुरी विष्ट निर्विरोध चयन भएका छन् ।

महासंघको कार्यसमिति सदस्यमा वर्तमान सदस्यहरूलाई निरन्तरता दिइएको महासंघले जनाएको छ ।

झन्डै १० महिनाअघि वर्तमान अध्यक्ष भवानी राणा नेपाल उद्योग वाणिज्य महासंघको अध्यक्ष भएपछि नयाँ नेतृत्व चयन भएको महिला उद्यमी महासंघले जनाएको छ ।

आज एक कार्यक्रम गरेर वर्तमान नेतृत्वले नयाँ नेतृत्वलाई कार्यभार हस्तान्तरण गर्नेछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: