म्यादी प्रहरीमा भर्ना हुन आउनेमा महिला धेरै


प्रकाशित मिति :2017-10-12 12:22:16

–शान्ता कमली–

लमजुङ । आउँदो मंसीर १० र २१ गते हुने प्रतिनिधिसभा र प्रदेशसभा निर्वाचनका लागि लमजुङ प्रहरीले म्यादी प्रहरीको माग गरेपछि भर्ना हुन आउने महिलाको भिड लाग्ने गरेको छ ।

सरकारले निर्वाचनका लागि गत मंगलबारदेखि आवेदन खुल्ला गरेसँगै जिल्ला प्रहरी कार्यालयमा फाराम भर्न आउने महिलाको भिड लागेको हो । जिल्ला प्रहरी कार्यालयका अनुसार दुई दिनको अवधिमा एक सय ७६ जनाले फाराम भरेका छन् । जसमा ६५ जना महिला छन् । पहिलो दिन मंगलबार ४७ जनाले फाराम भरेका थिए भने जसमध्ये २९ जना महिला थिए ।

जिल्ला प्रहरी कार्यालय लमजुङका प्रहरी नायव उपरीक्षक पदम बहादुर विष्टले फाराम भर्न आउनेमा अधिकांश महिला रहेको बताए ।

म्यादीमा भर्ना हुन आएकी लमजुङकै ४० वर्षीया राधिका पौडेलले बालबच्चालाई पढाउने खर्च जुटाउन म्यादी प्रहरीमा आवेदन दिन आएको बताइन् ।

बेसिसहर नगरपालिका दनाइ गाउँकी रुपा परियारले घरखर्च चलाउन र छोराछोरीको पढाई खर्च जुटाउन आफू म्यादीमा फाराम भर्न आएको बताइन् । उनले स्थानीय तहको निर्वाचनमा समेत म्यादी प्रहरीमा भर्ना भएर काम गरेको बताइन् ।

प्रहरीका अनुसार फाराम भरेकाहरू मध्येबाट यस अघिका निर्वाचनहरूमा काम गरेका, सुरक्षा निकायमा काम गरेर फर्केका अनुभव झल्कने प्रमाणपत्र भए त्यस्ता व्यक्तिहरू प्राथामिकतामा पर्नेछन् । म्यादी भर्ना कार्यक्रम असोज ३० गते अपराह्न ५ बजेसम्म रहनेछ ।
फोटोः मंसीरमा हुने प्रतिनिधिसभा र प्रदेशसभा निर्वाचनका लागि लमजुङमा म्यादी प्रहरीमा फाराम भर्न आएका महिला ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: