मेलमिलाप गराउन ११ महिला तयार


प्रकाशित मिति :2017-10-16 15:36:44

सुनसरी । सुनसरीमा समुदायमा हुने विवाद स्थानीयस्तरमै मिलाउन ११ जना महिला मेलमिलापकर्ता प्रशिक्षित भएका छन ।

प्राकृतिक स्रोत द्वन्द्व रुपान्तरण केन्द्रले २६ जना व्यक्तिहरूलाई सामुदायिक मेलमिलाप सम्बन्धि आठ दिने तालिम दिएर उत्पादन गरेका मेलमिलापकर्ता मध्ये ११ जना महिला छन् ।

सो संस्थाले सुनसरी जिल्लामा प्राकृतिक स्रोत द्वन्द्व रुपान्तरण प्रकृया अनुरुप प्राकृतिक स्रोतमा हुने द्वन्द्व रुपान्तरण गर्दै आएको छ ।

त्यसरी द्वन्द्व रुपान्तरण गर्दा सहजिकरणका लागि स्थानीयस्तरमा गठित माकुरा समूहमा रहेर द्वन्द्व रुपान्तरणमा भूमिका खेलेका सदस्यहरूलाई सामुदायिक मेलमिलाप तालिम दिइएको सो संस्थाकी राष्ट्रिय स्रोत व्यक्ति कृष्ण कुमारी राईले जानकारी दिइन् ।

तालिम प्राप्त मेलमिलापकर्ताले स्थानीय तहमा सूचिकृत भएर मेलमिलाप गराउन सक्ने तालिमका प्रशिक्षक नेत्र धितालले बताए ।

न्यायिक प्रकृयामा जादा धेरै खर्च लाग्ने र एक पक्षको जीत हुने तर मेलमिलापमा दुवै पक्षको जीत हुने भएकाले यो प्रकृया दीगो शान्तिका लागि प्रभावकारी रहेको धितालको भनाई छ ।

समस्यामा परेका महिलाले आफ्नो समस्या पुरुष मेलमिलाप कर्ताहरूलाई खुलस्त भन्न नसक्ने भएकाले महिला मेलमिलापकर्ता उत्पादन पछि महिलालाई सजिलो हुने राष्ट्रिय स्रोत व्यक्ति कृष्ण कुमारी राईले बताइन् ।

तालिमपछि समूदायमा गरेर तालिममा सिकेको सिप प्रयोग गरेर मेलमिलाप गराउन योगदान पुर्याउने गीता सुवेदीले प्रतिवद्धता व्यक्त गरिन् ।

आठ दिनको तालिम लिएका मेलमिलापकर्ताहरूलाई जिल्ला अदालत सुनसरीका न्यायाधिश पुरुषोत्तम प्रसाद ढकालले प्रमाणपत्र प्रदान गरे ।

प्राकृतिक स्रोत द्वन्द्व रुपान्तरण केन्द्रले संचालन गरेको कार्यक्रममा द्वन्द्व रुपान्तरणमा महिलाको उल्लेख्य सहभागिता र भूमिका रहेको केन्द्रका पूर्व क्षेत्र संयोजक हिम डिसीले बताए ।

उनका अनुसार मेलमिलाप परिषदबाट मेलमिलाप सम्बन्धि सम्पूर्ण गतिविधि संचालन गर्नका लागि स्वीकृति प्राप्त देशभरका पाँच वटा संस्था मध्ये प्राकृतिक स्रोत द्वन्द्व रुपान्तरण केन्द्र एक हो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: