वर्षामै खानेपानी अभाव : दिनभर खेतबारी, रातभर पँधेरो


प्रकाशित मिति :2017-10-18 11:26:27

-शशीधर भण्डारी-

प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर जाग्राम बस्छौँ । धान, मकै उठाउने, जौ, गहुँ छर्ने समय दिनभर खेतबारीमा र रातभर पानी बोक्नुपर्ने अवस्था छ,’ प्युठान नगरपालिका–३ दैलीसिमलकी अमृता जिसीले भनिन्, ‘गाउँको धारामा पानी आउन छाडेको ३ महिना भइसक्यो । दैलीसिमलमा मात्रै होइन, यो नगरको रातामाटा, चिलाउने डाँडा, डाँडागाउँ, जिमुरेका बासिन्दाले पनि वर्षौंदेखि पानी अभावको समस्या व्यहोर्दै आएका छन् ।

वर्षायाममै खानेपानीको अभाव भएपछि वैशाख–जेठको खडेरीमा कसरी गुजारा गर्ने भन्ने चिन्ताले डाँडागाउँवासी चिन्तामा छन् । यो गाउँमा १ सय ५० घरधुरी छन् । शुद्ध पिउने पानी त परै जाओस्, पशु चौपायालाई खुवाउने पानीसमेत नहुने स्थानीय बताउँछन् । ०५२ सालमा गाउँमा निर्माण गरेको एक धारोमा पानी आउन छाडेपछि संकट निम्तिएको हो । ‘खानेपानी कार्यालयमा पानीको माग गर्दा त्यही धारालाई मर्मत गर भन्छ,’ स्थानीय मुक्तबहादुर केसीले भने, ‘स्थानीयले एक लाख ५० हजार उठाएर बनाएको ट्यांकी पानी नभएपछि जीर्ण बन्यो ।’

डाँडागाउँका लागि करिब ७ किलोमिटर दूरीमा रहेको सेपुङबाट खानेपानी ल्याइएको थियो । सोही पानीबाट गुजारा चलाउँदै आएका डाँडागाउँवासी ३ महिनादेखि पानी नआएपछि खोल्साको पानी पिउन बाध्य छन् । ‘खानेपानी, तरकारी तथा फलफूल खेती, पशु चौपायाका लागि पानीको अभाव छ । तर, कसैले हेरेन । अहिले खोल्साको पानीलाई राति र बिहान जम्मा गरेर भर्ने गरेका छौँ । यही पानीमा पनि लाइन लाग्नुपर्छ,’ स्थानीय मुक्तबहादुर केसीले भने ।

‘नेता र नगरपालिकाले हेरेन’

निर्वाचनका वेला घरघरमा खानेपानी ल्याइदिन्छु भन्ने नेताले पानीको संकट पर्दा वास्ता नै नगरेको स्थानीयको दुखेसो छ । ‘आश्वासन दिनेसँग पानीको व्यवस्था गरिदिन निवेदन पेस ग¥याैँ । तर, नेता, जिल्ला खानेपानी कार्यालय र नगरपालिका कसैले हेरेनन्,’ स्थानीय हिमबहादुर जिसीले भने । पानीकै कारण स्थानीय महिला, वृद्ध तथा बालबालिकालाई सास्ती छ । खेतीपातीका वेला घरका ठूला मान्छे सबै खेतबारीमा जाने हुँदा पानी ल्याउने जिम्मा बालबालिका र वृद्धवृद्धाको हुन्छ ।

सोही वडाको रातमाटामा ०६८ सालमा जिविस कार्यालय प्युठानले बस्ती विकास कार्यक्रमबाट १० लाख बजेट खर्चेर थालेको खानेपानी योजना अलपत्र परेको छ । जुम्री खोलाबाट खानेपानी ल्याउने भनेर जिविसले सबै अध्ययन पूरा गरेको थियो । जिल्ला प्राविधिक कार्यालयले पाइप किन्न पनि लगायो । तर, पानीको मूल र क्षमताभन्दा बढी पाइप मोटो भयो भनेर प्राविधिकले अस्वीकृत गरे । त्यसपछि १० लाखको योजना प्रयोगविहीन बनेको स्थानीयको भनाइ छ ।

स्थानीय निर्वाचनमा खानेपानी समस्या राख्दा उम्मेदवारले खानेपानी ल्याउने आश्वासन दिएका थिए । वर्षामै खडेरी परेपछि २ महिनाअगावै स्थानीयले खानेपानी तथा सरसफाइ डिभिजन कार्यालय र प्युठान नगरपालिका कार्यालयमा निवेदन पनि दिएका थिए । तर, नगर प्रमुख अर्जुनकुमार कक्षपतिले पटक–पटक पानी पु¥याउने आश्वासन मात्रै दिने गरेका छन् । उनले नगर कार्यपालिकाको बैठकबाट उक्त बस्तीमा खानेपानीको व्यवस्था गर्ने पुनः अश्वासन दिएका छन् ।

साभार : नयाँपत्रिका दैनिक

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: