सहयोगी हात जुटे, लक्ष्मीलाई नयाँ घर


प्रकाशित मिति :2017-10-29 16:14:46

रुजु खतिवडा\महिला खबर

पाँचथर । समाजमा अहिले पनि सहयोगी हातहरु जुट्न छोडेका छैनन् भन्ने कुराको उदाहरण पाँचथरमा देखिएको छ ।

पाँचथरको सहयोगी आँखा नामक संस्थाको सहयोगमा विचल्लीमा परेको एक परिवारले आवास पाएपछि स्थानीयहरुमा अहिले पनि सहयोगी मनहरुको अभाव रहेनछ भन्ने कुराको चर्चा हुन थालेको छ ।

सहयोगी आँखाको पहलमा पाँचथर हिलिहाङ– ७ भारपाका अपांगता भएका दम्पती लक्ष्मी नेम्वाङ र जीतबहादुर नेम्बाङको परिवारले बस्ने घर पाएको हो ।

लक्ष्मी नेम्वाङका दुवै हातखुट्टाका औला छैनन् । श्रीमान जीतबहादुर नेम्वाङ बोल्न सक्दैनन् । श्रीमान श्रीमती दुवैमा जना अपांगता, त्यसमाथि आठ वर्ष मूनिका पाँच जना नाबालक छोराछोरी । सात जनाको लालन पालनको सम्पूर्ण जिम्मा एक्लै लक्ष्मीको काधँमा छ ।

दैनिक छाक टार्न जेनतेन ज्याला मजदुरी गरेर घर चलाईरहेकी लक्ष्मीको पनि शरीरले काम गर्न छोडेपछि उनको परिवार विचल्लीमा परेको थियो ।

सहयोगि आँखाका अध्यक्ष कमल थपलियाले नेम्वाङ परिवारको दयनीय अवस्था देखेपछि बस्ने बासका लागि सहयोग जुटाएको बताए ।

घर निर्माणको लागि फिदिमस्थित शिमशिखर गुल्मले सामाग्री ढुवानी र निर्माण कार्यमा सहयोग गरेपछि नेम्वाङ परिवारको घर बनाउन सहज भएको उनले बताए ।

‘नयाँ घर भयो तर हुर्कदै गरेका ५ जना नानीहरु कसरी पाल्ने, कसरी पढाउने साह्रै दुख छ । मेरो हात खुट्टाका औला छैनन् । उहाँ बोल्न सक्नु हुन्न । बिहान बेलुकाको छाक टार्न पनि गाह्रो भैरहेको छ’ लक्ष्मीले भनिन् ।

नेम्वाङ परिवारलाई नयाँ घरका साथै अध्यक्ष थपलियाले कपडा सिरक, ढसना, तन्दा, कम्मल समेत उपलब्ध गराइदिएका छन् । साथै पाँचथर उद्योग वाणिज्य संघका अध्यक्ष तथा व्यवसायी मित्रप्रसाद काफ्लेले घुम्ति पसल, जनसेवा समाजले परिवारका ७ जना सदस्यका लागि लगाउने कपडा सहयोग गरेका छन् ।

थपलियाले अपांगता भएका यो परिवारका नानीहरुको शिक्षा दिक्षाका लागि सहयोगको आवश्यकता रहेको बताए ।

    Comment Here!

Related NEWS
मुख्य खबर

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

Read more
© 2015.All rights reserved by mahilakhabar.com
%d bloggers like this: