स्पष्ट कानून नहुँदा नागरिकता वितरणमा समस्या


ऐन संशोधनको तयारीमा

प्रकाशित मिति :2017-10-29 17:08:11

–महिला खबर–

काठमाडौं । नागरिकता सम्बन्धि स्पष्ट कानून नहूँदा नागरिकता वितरणमा समस्या भएको एक कार्यक्रममा सहभागिहरुले जोड दिएका छन् ।

अक्सफार्मले काठमाडौंमा आयोजना गरेको प्यालन छलफलका  क्रममा गृहमन्त्रालयका उपसचिव सागरमणी पाठकले पाठकले नागरिकताका सम्वन्धिमा ऐन संशोधनको क्रममा रहेको बताए । उनको भने, –‘नागरिकताका लागि ऐन संशोधन हुँदैछ । यसले नागरिकताबाट बञ्चित हुनुपरेका महिलालाई सहज हुनेछ । ’

महिला, बालबालिका तथा समाज कल्याण मन्त्रालयकी सहसचिव राधिका अर्यालले एकल महिला सुरक्षा कोषलाई स्थानीय तहमा हस्तान्तरणको क्रममा रहेको बताइन् । यसले एकल महिलाको क्षेत्रमा कोषलाई परिचालन गर्न थप सहज हुने उनको भनाई छ ।

नागरिक राष्ट्रिय दैनिक पत्रिकाका सम्पादक गुणराज लुँइटेलले नागरिकता नपाएका विषयलाई राष्ट्रिय मिडियाले उठान गर्नुपर्ने बताए ।

काठमाडौं महानगरपालिका १४ की वडा अध्यक्ष सोविता सापकोटाले नागरिकता सम्वन्धि ऐन संशोधन नहुँदा समस्या हुने गरेको बताइन् ।

मानव अधिकारका लागि महिला एकल महिला समुह, नेपालका अध्यक्ष निर्मला ढुंगानाले एकल महिला सुरक्षाकोषको वारेमा जानकारी गराएकी थिइन् । उनले यो कोषलाई महिला तथा बालबालिका कार्यालयले जिम्मेवारी नलिएको अवस्था रहेको भन्दै स्थानीय निकालयको संचालन विधि अनुसार चलाउनुपर्ने भएको कारणले अन्यौल छाएको बताइन् ।

अधिवक्ता अनिता न्यौपानले व्यक्तिगत घटना दर्ता तथा नागरिकता सम्वन्धि कानुनी, चुनौति र समाधानका उपायका बारेमा जनकारी गराएकी थिइन् । उनले व्यक्तिगत घटना दर्ता गर्न सूचक सम्बन्धि अत्यन्त साघुँरो कानूनी व्यवस्था गरेको भन्दै यसलाई परिमार्जनको आवश्यकता रहेको बताइन् ।

कार्यक्रममा अक्सफामका कर्मचारीहरुले कार्यक्षेत्रका महिलाहरुमा नागरिकताका सम्बन्धमा भएको समस्याका बारेमा जानकारी गराएका थिए ।
कार्यक्रमको सहजिकरण सञ्चारिका समुहकी अध्यक्ष निर्मला शर्माले गरेकी थिइन् । अक्सफाम नेपालले धादिङ, नुवाकोट, सिन्धुपाल्चोक लगायत भूकम्प प्रभावित क्षेत्रमा नागरिकता लगायतका क्षेत्रमा काम गर्दै आएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: