थारु महिलाद्वारा अपाङ्गता विद्यार्थीलाई पोशाक सहयोग


प्रकाशित मिति :2017-11-03 12:05:07

काठमाडौं। सुनसरीको झुम्कामा कार्यरत थारु महिला उत्थान समाजले स्थानीय रामधनुी ३ स्थित जनता माध्यमिक विद्यालयका अपाङ्गता भएका २१ जना विद्यार्थीलाई जाडोमा लगाउने जंक–शुट थान २१ वितरण गरेको छ ।

दीपावलीको अवसरमा देउसी भैली खेलेर संकलन गरिएको रकममध्ये २० हजार रुपैयाँको न्यानो कपडा किनेर बालबालिकालाई वितरण गरिएको समाजकी अध्यक्ष सीता चौधरीले बताइन्। ‘अरुले देउसी भैली खेलेर संकलन गरेको रुपैयाले वनभोज खाएर सक्काउँछन्, हामीले बालबालिकालाई न्यानो कपडा वितरण गर्यौ’ उनले भनिन् ।

न्यानो कपडा सँगसँगै कापी, कलम र पेन्सील पनि सो बालबालिकालाई वितरण गरिएको अध्यक्ष चौधरीले बताइन्। नर्सरी कक्षादेखि १४ वर्ष उमेर रहेका विद्यार्थीलाई सो सामान एक समारोहकाबीच वितरण गरिएको उनले जानकारी दिइन् ।

कार्यक्रममा विद्यालयका प्रधानाध्यापक राजेन्द्र पौडेलले थारु उत्थान समाजले समाजमा सराहनीय काम गर्दैआएकोमा प्रशंसा गरेका थिए।

कार्यक्रममा रामधनुी नगरपालिका वडा नं। ३ का वडा अध्यक्ष राजकुमार चौधरी, वडा नं ४ का वडाअध्यक्ष मनेसकुमार चौधरीको उपस्थितिमा राहत सामग्री वितरण गरिएको उत्थान समाजकी अध्यक्ष चौधरीले जानकारी दिइन् । सो अवसरमा अन्य समाजसेवी, सञ्चारकर्मी तथा उत्थान समाजका पदाधिकारी तथा सदस्यहरुको सहभागिता रहेको थियो ।

त्यस्तै, उत्थान समाजले रामधुनी २ मा घर भएकी रमिता चौधरीको घरमा आगलागी भई सम्पत्ति नष्टभएकाले सो अवसरमा केही सहयोग होस भनेर केही नगद सहयोग गरिएको उत्थान समाजकी कोषाध्यक्ष आशा चौधरीले बताइन् । संस्थाको तर्फबाट नगद पाँचहजार एक रुपैयाँ सहयोग गरिएको उनले बताइन् ।

सो सहयोगले केही भएपनि पीडितलाई राहत पुग्ने विश्वासकासाथ सहयोग गरिएको सो संस्थाकी उपाध्यक्ष विमला चौधरीले बताइन् ।

स्थानीयस्तरमा २०६५ सालदेखि गतिविधि गर्दै आएको थारु महिला उत्थान समाज २०७३ सालमा स्थानीय प्रशासनमा दर्ता भएर गैरसरकारी कार्यालयकोरुपमा कार्यरत रहेको छ । स्थानीयरुपमा विभिन्न सामाजिक गतिविधिहरु गर्दै आएको उत्थान समाजले महिलाको सशक्तीकरण, संस्कृतिको जगेर्नाको अभियानसँगै, आपतविपतमा परेकाहरुको राहतको काम गर्दै आएको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: