गच्छेदारलाई भगवतीको टक्कर


प्रकाशित मिति :2017-11-05 12:57:39

–महिला खबर–

सुनसरी । सुनसरी  क्षेत्र नं.३ बाट उम्मेदवार बनेकी  भगवती चौधरीले विजय कुमार गच्छेदारलाई पराजित गर्ने दाबी गरेकी छिन् ।

चौधरी वाम गठबन्धनबाट सुनसरीकी एक्ली महिला उम्मेदवार हुन्। तत्कालिन मधेशी जनअधिकार फोरमका अध्यक्ष एवम् नेपाली कांग्रेसका नेता विजय कुमार गच्छेदार र एमाले नेता चौधरीबीच सुनसरी क्षेत्र नं. ३ मा कडा प्रतिष्पर्धा हुने देखिएको हाे ।

२०४६ साल यता सत्ता भन्दा बाहिर कमैमात्र रहेपनि सुनसरी क्षेत्र नं.३ का लागि गच्छेदारले खासै केहि नगरेको र अब जनताले परिवर्तन खोजीरहेको चौधरीले बताइन् ।

परिवर्तन विकास र समृद्धिका लागि आफूले उम्मेदवारी दिएको भन्दै फराकिलो अन्तरले क्षेत्र नं. ३ का जनताले जिताउनेमा आफू विश्वास्त रहेको चौधरीकाे भनाई छ ।  गच्छेदार अवसरवादी भएको तर विकासवादी नभएको जनताले बुझिसकेको चौधरीले आरोप लगाईन् ।

‘गएको संविधानसभा निर्वाचनका वेला कांग्रेसका नेताहरुले नै उहाँलाई सो आरोप लगाउदै चुनाव प्रचार गरेको जनताले भूलेका छैनन् । अहिले नेपाली कांग्रेसले के भनेर उहाँको पक्षमा भोट माग्छन ?’ उनले प्रश्न गरिनन् ।

गत संविधानसभाको निर्वाचनमा गच्छेदार नै प्रतिष्प्रर्धी रहेको बताईन् । उनले गच्छेदारले २० वर्षमा नगरेको काम आफूले पाँच बर्षमै गरेर सुनसरीको क्षेत्र नं. ३ लाई देशकै नमूना क्षेत्र वनाउने चौधरीले प्रतिवद्धता जनाईन् ।

को हुन भगवती चौधरी

भगवती चौधरी पूर्व वनराज्य मन्त्री तथा नेकपा एमालेको केन्द्रीय सदस्य हुन् । चौधरीको नाम राजनीति र समाजसेवामा समेत परिचित नाम हो । उनलाई लघुवित्त क्षेत्रमा नेपालमै अग्रणी महिलाका रुपमा लिइन्छ ।

आफ्नो समूदायमा चौधरी रोलमोडल नै मानिन्छन् । स्नातकोत्तर गरेकी चौधरीकोे नेतृत्वमा रहेको फरवार्ड संस्थामा हाल देशभरका हजारौं महिला संगठित छन् । महिलाको आर्थिक सशक्तिकरण नभएसम्म समाज रुपान्तरण हुन नसक्ने चौधरीको भनाइ छ ।

यस्ता छन् चौधरीका चुनावी एजेण्डा

बेरोजगारलाई रोजगार प्रदान गर्ने चौधरीको प्रमुख एजेण्डा छ ।  एक घर एक रोजगार प्रदान गर्ने योजना सार्वजनिक गर्दै चौधरीले भनिन् – ‘सुनसरी क्षेत्र नं. ३ मा दुई वर्ष भित्रमा प्राविधिक शिक्षालय स्थापना गर्ने, हरेक वडा–वडाबाट डाक्टर, इञ्जिनियर, पाइलट लगायतका प्राविधिक उत्पादन गर्र्ने, सामाजिक सुरक्षा भत्ता बढाएर पाँच हजार पु¥याउने, घर घरमा पूँजीको पहुँच गराउँदै आर्थिक स्तर उकास्न विशेष कार्यक्रम सञ्चालन गर्न योजना छ ।’

महिला सशक्तिकरणको क्षेत्रमा विशेष कार्यक्रम ल्याउने चौधरीको योजना छ । क्षेत्र नं. ३ का पर्यटकीय स्थलहरुको संरक्षण र विकास गर्दै आन्तरिक र वाहय पर्यटक भित्राउन विशेष योजना समेत रहेको बताईन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: