अब इटहरीमै इजलास र न्याय सम्पादन


प्रकाशित मिति :2017-11-10 10:50:17

उपमेयर, लक्ष्मी गौतम

-महिला खबर-

सुनसरी । स्थानीय तहमा निहित संवैधानिक अधिकार बमोजिम इटहरी उपमहानगरपालिकामा गठित न्यायिक समितिले न्याय सम्पादनका लागि कार्य प्रकृया सुरु गरेको छ । यसो भएमा अन्यायमा परेर अदालतको ढोका पुग्दा समेत छिटो छरितो न्याय पाउनबाट बञ्चित महिलाहरूलाई राहत हुने आसा गरिएको ।

उपमेयर लक्ष्मी गौतमको संयोजकत्वमा गठित तीन सदस्यीय न्यायिक समितिको पहिलो बैठकले उपमहानगरमा कानुन तथा न्याय शाखा खोल्ने निर्णय गरेको छ । संयोजक गौतमका अनुसार बैठकले स्थानीय न्यायपालिकाका लागि इजलास तयार गर्न काम थाल्ने निर्णय भएको छ ।

यस्तै अदालतमा आवश्यक पर्ने सम्पूर्ण कागजपत्र र सामग्री तयार गर्न थालिएको छ । न्यायिक समितिको कार्यविधि तयार गर्न थालिएको संयोजक गौतमले महिला खबरलाई जानकारी दिए ।

इटहरीका सबै वडामा तीन सदस्यीय सामुदायिक मेलमिलाप केन्द्र गठन गरिने भएको छ । त्यसका लागि ६० जनालाई मेलपिलाप परिषदले तयार पारेको पाठययक्रम अनुरुप आठ दिने तालिम प्रदान गरिने बताइएको छ ।

हरेक स्थानीय तहमा गठित न्यायपरिषदलाई १३ प्रकारका मुद्धा निरुपण गर्न सक्ने अधिकार छ । यसैगरि प्रत्येक वडामा गठन हुने मेलमिलाप समितिले ११ प्रकारका मुद्धाहरूमा मेलमिलाप गराउन सक्ने छ । मेलमिलाप समितिले मेलमिलाप गराउन नसकेका मुद्धाहरू न्यायिक समितिमा आउने छन् ।

इटहरी उपमहानगरपालिको न्यायिक समितिले यस अघि नै १५ वटा विवाद मेलमिलाप गराइसकेको छ । मेलमिलाप गराउन नसकेका विवादलाई अदालत पठाइएको उपमेयर तथा न्यायिक समिति संयोजक गौतमले जानकारी दिइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: