जित्नकै लागि मेरो उम्मेदवारीः महालक्ष्मी उपाध्याय


प्रकाशित मिति :2017-11-10 12:02:16

–महिला खबर–

काठमाडौं । मंसिर २१ गते हुन प्रतिनिधिसभा सदस्यको चुनावमा नेपाली काँग्रेसकी नेता महालक्ष्मी उपाध्याय(डिना)ले मकवानपुर क्षेत्र नम्बर २ बाट प्रतिनिधिसभा सदस्यका लागि उमेदवारी दिएकी छन् ।

यो क्षेत्रमा उपाध्यायसँग दश पुरुषले प्रतिस्पर्धा गर्दैछन् । एमालेका विरोध खतिवडा, नयाँ शक्ति पार्टी नेपालका सोनामसिङ स्‍याङता, राष्ट्रिय जनमुक्ति पार्टीका हरीसिङ वाईवा लगायत लगायत दश जना पुरुषसंग उनको प्रतिस्पर्धा हुनेछ ।

प्रतिनिधिसभाको सदस्यमा न्यून संख्यामा दलहरूले महिला उम्मेदवार उठाएपनि उठेका महिलाले जितेर आउने दावी गर्छिन्, काँग्रेस उम्मेदवार उपाध्याय । ‘कम संख्यामा महिलाको उम्मेदवारी छ । त्यसैले महिलाहरूलाई जीत्ने अवसर र जीत्नै पर्ने चुनौती पनि छ’ उपाध्यायले भनिन् ।

डिना अहिले पार्टीका र आफ्ना एजेण्डाका साथ चुनावी प्रचारप्रसारमा मतदातासँग भेटघाट कार्यक्रममा व्यस्त छिन् । उपाध्यायले मकवानपुर क्षेत्र नम्बर–२ को विकास निमार्णलाई प्रमुख एजेण्डा बनाएर मतदाताको घरदैलोमा पुगेको बताइन्् । ‘यहाँका कतिपय ठाउँहरूमा अझै शिक्षा, स्वास्थ्य, तथा विकास निमार्णका कामहरू हुन सकेका छैनन् । विकट ठाउँमा पनि विकास निर्माण पु¥याउन मेरो उम्मेदवारी हो’ उपाध्यायले महिला खबरसँग भनिन् ।

संविधानमा लेखिएका महिलाका धेरै अधिकार कार्यान्वयन नभएको अवस्थामा महिलाका संवैधानिक हक अधिकारलाई कार्यान्वयन गर्ने प्रतिवद्धता जनता माझ आफूले गरेको उनले बताइन् ।

आफू सांसद हुँदा पनि खानेपानी, बाटोघाटो निमार्ण, महिला सशक्तिकरण, क्षमता विकास र स्वास्थ्य क्षेत्रको विकासमा आफूले बजेट खर्च गरेको बताउँदै उनले आगामी दिनमा पनि थप गुणस्तरीय शिक्षा र स्वास्थ्यमा जोड दिने बताईन् ।

‘गुणस्तरीय स्वास्थ्य चौकी, निशुल्क शिक्षा र क्षेत्रीय अस्पताल निमार्ण गर्न मैले जनता सामू प्रतिबद्धता गरेकी छु । महिलाहरूलाई आर्थिक सशक्तिकरणमा जोड दिन विभिन्न सिपमुलक तालिम, ज्येष्ठ नागरिकलाई दिवा सेवा केन्द्र, स्वास्थ्य परिक्षण जस्ता काम गर्ने छु’ उपाध्ययले भनिन् ।

त्यसैगरी महिला उम्मेदवारले चुनाव जित्न सक्दैन भन्ने कुरा भ्रम मात्र भएको उनले बताइन् । उनले आफूलाई सबैको साथ र सहयोग मिलेकोले महिला भएकै कारण कतैबाट असयोग नभएको बताइन् ।

‘म महिला भएर मलाई असयोग गर्छन् । म चुनाव हार्छु जस्तो लाग्दैन । मैले चुनाव जित्नकै लागि उम्मेदवारी दिएकी हुँ, जित्छु पनि’ उपाध्यायले भनिन् ।

चुनाव जित्नलाई पैसाको आवश्यकता नपर्ने उपाध्यायले बताइन् । ‘चुनावमा पैसा खर्च गर्नुपर्छ भन्ने सोच गतल हो । म चुनावी मैदानमा छु तर पैसालाई प्राथमिकतामा राखेको छैन र पैसा खर्च गरेको पनि छैन । जनताको माया भए पैसा खर्च नगरी जित्न सकिन्छ’– उनले पैसा नहुने उम्मेदवारलाई चुनावमा समस्या हुने गरेको सम्बन्धमा आफ्नो अनुभव सुनाइन् ।

त्यस्तै उनले मकवानपुरमा धेरै चेपाङ बस्ती भएकाले उनीहरूका लागि आउँदो २ वर्षमा दुई हजार घर बनाईदिने बताईन् । ‘पाँच÷छ हजार चेपाङहरू घरविहीन छन् । उनीहरूको लागि दुई वर्षभित्रमा दुई हजार घर बनाउने मेरो योजना छ’ उनले भनिन् ।

मकवानपुर पर्यटकीय तथा जडिबुटी पनि राम्रो सम्भावना भएकाले उचित स्रोत साधनको परिचालन गरी यसको विकासमा पहल गर्ने उनले बताईन् ।

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: