राजस्थानका महिलालाई आकर्षक लुगा लगाउन र मोबाइल फोन प्रयोग गर्न रोक


प्रकाशित मिति :2017-11-17 11:05:42

भारतको उत्तर पश्चिमको एउटा गाउँमा यौन शोषणबाट बचाउन महिलालाई आकर्षक लुगाहरु लगाउन र मोबाइल फोन चलाउन बन्देज गरिएको छ ।

गाउँका बुढापाकाका अनुसार विदेशी पहिरण र मोबाइल फोनको प्रयोगले विकृति फैलाइरहेको छ ।

राजस्थानको धोलपुर नजिकैको बलदियापुर गाउँ परिषदले त्यहाँका अभिभावकहरुले आफ्ना छोरीहरुलाई जिन्स पाइन्ट र आधुनिक देखिने विदेशी पहिरनहरु लगााउनबाट रोक्न आदेश दिएको छ । उनीहरुले मोबाइल फोनले गर्दा समाजको संस्कृति बिग्रिदै गएको बताएका छन् ।

यो बन्देज गाउँभरि लागु हुने  गाउँ परिषदका सदस्यहरुले दाबी गरेका छन् ।

हिन्दुस्तान टाइम्सका अनुसार मदिरा सेवनमा पनि बन्देज लगााइएको छ । यदि मदिरा सेवन गरिएको पाइएमा रु १ हजार ६ सय जरिवाना लगाइनेछ र यस्ता गतिविधिको जानकारी कसैले दिएमा ८ सय रुपैयाँ ईनाम दिइने कुरा उनीहरुले बताएका छन् ।

उक्त बन्देजको खबरले देशभरिका महिलाको अधिकार र राज्यले उनीहरुलाई गर्ने व्यवहारमाथि बहस चलेको छ ।

गाउँ परिषदका नेता कनासील हरिओम सिंहले भने –‘गाउँ पञ्चायतले सामाजिक विकृतिहरु निर्मूल पार्न राम्रा निर्णयहरु गरेका छन् । महिलाले आकर्षक पोशाक लगाएका कारण बलात्कार र यौन हिंसाका घटनाहरु बढीरहेका छन् ।’

परिषदले गाउँका बुढापाकालाई नियुक्ति गरेर ‘बन्देजको’ कार्यन्वयन गर्न लगाउने छ । प्रत्येक महिनाको पहिलो दिन बैठक बसेर यसबारे छलफल गर्ने छ ।

धोलपुरका सरकारी अधिकारी विनोद कुमार मीनाले मदिरा सेवनको रोकथामलाई गरिएको पहलको प्रशंसा गरे तर महिलाको लुगामाथि लगाइएको बन्देज भने गैर कानूनी भएको बताए ।

स्रोतका अनुसार बन्देजको विरुद्ध अहिलेसम्म कुनै पनि उजुरी नआएको र यदि आयो भने त्यसको कानुनी करवाही गरिनेछ ।

भारतीय फोटोग्राफर सुजाट्रो घोशले यस हप्ता नयाँ किसिमको तस्बिरहरु प्रदर्शन गरेका छन् । ती तस्बिरहरुमा महिलाले गाईको नकाब लगााएका थिए जसको माध्यमबाट उनीहरुको दाँजोमा जनावरहरुको नै बढी अधिकार रहेको सन्देश दिएका थिए ।

साभारः– दि इन्डिपेन्डेन्ट

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: