मदिरा निषेध गर्ने अभियानमा आमाहरु


प्रकाशित मिति :2017-11-18 10:00:11

–सर्मिला बुढाथोकी –

दोलखा । जिल्लाको शैलुङ गाउँपालिका वडा नम्बर ५ की कमला खड्का अहिले गाउँलाई मदिरा निषेधित क्षेत्र बनाउने अभियानको अगुवाई गर्दैछिन् ।

मदिराका कारण गाउँमा धेरै समस्या आउन थालेपछि स्थानीय जनजागरण आमा समुहले शैलुङ गाउँपालिका वडा नम्बर ५ काटाकुटीलाई मदिरा निषेधित गाउँ घोषणा गरिसकेका छन् । उनीहरुले चेतनामूलक अभियान समेत सुरु गरेका छन् । यो अभियानलाई शैलुङ गाउँपालिका वडा नम्बर ५ ले पनि साथ दिएको छ ।

‘झण्डै १० हजार रुपैँया मुल्य पर्ने खसी रक्सी खानकै लागि श्रीमानले २६ सयमा बेचिदिएछन्,’ घरखर्च जोहका लागि पालेको खसी श्रीमानले आफुखुशी बचेपछि अभियानमा लागेको कमलाले बताइन् ।

रक्सी खाएर परिवारलाई दुःख दिएका आफ्ना श्रीमानजस्तै गाउँका धेरै युवाहरुलाई यो कुलतबाट मुक्त पार्नका लागि कमलाले अहिले गाउँलाई मदिरा निषेधित क्षेत्र बनाउन जनजागरण आमा समुहको अभियानमा अगुवाई गरेकी छिन् ।

रक्सी नखादा राम्रो व्यवहार गरेपनि रक्सी खान थालेपछि घरमा झगडा पर्छ कमलाले भनिन् । ‘नुन तेल खाने पैसा हुँदैन, श्रीमानलाई रक्सी खान पाँए अरु केही चाहिँदैन । घरेलु हिंसा र विपन्नताको एउटा कारण रक्सी हो भन्ने लागेपछि म अहिले यो अभियानमा सक्रिय छु, खड्काले भनिन् ।

वडा नम्बर ५ काटाकुटीकै मिठू खड्काले श्रीमानको अत्याचार सहन नसकेर केही समय अघि घर नै छाड्न बाध्य भइन्,  स्थानीय जनजागरण आमा समुहकी अध्यक्ष सानु कार्कीले भनिन् –’ घरका भाडाकुँडा समेत बेचेर रक्सी खाने श्रीमानले दैनिक शारीरिक यातना दिने गरेपछि मिठूले श्रीमान नै त्याग्न पुगिन् ।

मिठूका श्रीमानले रक्सी खानका लागि ८ हजार रुपैँया मुल्य पर्ने तामाको खड्कुलो र गाग्री १३ सयमा विक्री गरेको थाहा पाएपछि आमा समूहले जफत समेत गरेको अध्यक्ष कार्कीले बताईन् । उनले मदिराजन्य पदार्थले धेरै महिलाहरु हिंसामा परेपछि अहिले मदिरा निषेधित वडा घोषणा गरेका गरेको बताइन् ।

वडालाई मदिरा निषेधित घोषणा गरेपछि आमा समूहले मदिराजन्य पदार्थ बिक्रिवितरण गर्नेलाई १० हजार रुपैँया जरिवाना र मदिरा सेवन गर्नेलाई ५ हजार रुपैँया जरिवाना समेत तोकेको अध्यक्ष कार्कीको भनाई छ ।

दैनिकजस्तो रक्सी खाएर हो हल्ला गर्ने, महिलामाथि कुटपिट गर्ने, छोराछोरीको पढाईमा समस्या हुने, छरछिमेकमा झैँझगडा गर्ने जस्ता समस्या आएपछि अहिले मदिरा विक्रिवितरण गर्न बन्द गर्ने अभियानलाई शंसक्त रुपमा अगाडि बढाइएको अध्यक्ष कार्कीको भनाई छ ।

मदिरा जन्य पदार्थ विक्री वितरण नगर्न अनुरोध गर्दा केही मानिसले आफुलाई धम्की दिदँै गालिगलौज गरेको भएपनि सकारात्मक कामको लागी पछि नहट्ने अध्यक्ष कार्कीले बताइन् ।

जनजागरण आमा समुहको नेतृत्वमा सुरु भएको मदिराजन्य पदार्थ मुक्त वडा घोषणा गर्ने अभियानमा इलाका प्रहरी कार्यालय लाम्चे आहाल, स्थानीय राजनीतिक दल, शिखर जनजागृति समुह लगायतले साथ दिएका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: