शोकमा प्रचण्ड परिवारः आमा सीताको स्वास्थ्यमा समस्या, पत्नी बिना र सिर्जना भाव विह्वल


राष्ट्रपतिद्वारा प्रचण्डसँग भेट

प्रकाशित मिति :2017-11-19 12:51:57

-महिला खबर-

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ का पुत्र प्रकाश दाहालको निधन भएपछि परिवार शोकमा डुबेको छ ।

अचेत अवस्थामा बिहान ५ बजेतिर अस्पताल लगिएका प्रकाशको ३६ वर्षको अल्पायुमै निधन भएको हो । हिजो बेलुका सामान्य ज्वरो आएको परिवारले बताएको र बिहान सबेरै आफ्नै कोठामा बेहोस् अवस्थामा भेटिएपछि थापाथलीस्थित नर्भिक अस्पताल ल्याइएको थियो ।  तर अस्पतालले उहाँको मृत्यु भइसकेको बताए पनि औपचारिक जानकारी भने ढिला गरी गराएको हो ।

प्रकाशको निधनपछि निर्वाचन प्रचारका क्रममा झापा पुग्नु भएका बुबा प्रचण्डलगायत काठमाडौं बाहिर रहेका प्रकाश पत्नी बिना, दिदी रेणु र परिवारका अन्य सदस्यहरु काठमाडौं आएका छन् । त्यसका साथै कतिपय दलका शीर्ष नेताहरु पनि प्रकाशलाई अन्तिम श्रद्धाञ्जली दिन काठमाडौं आएका छन् ।

प्रकाश अध्यक्ष प्रचण्डका एक मात्र छोरा हुन् । यसभन्दा झण्डै ४ वर्षअघि प्रकाशकी दिदी ज्ञानुको क्यान्सरबाट निधन भएको थियो । ४ वर्षको बीचमा दुई सन्तान गुमाएका प्रचण्ड र पत्नी सीतालाई असह्य शोक परेको छ ।
प्रकाशको निधन भएपछि आमा सीता दाहालको स्वास्थ्यमा समस्या देखिएपछि डाक्टरको एक टोली प्रचण्ड निवास लाजिम्पाटमै पुगेको थियो ।

यस्तै पतिको निधनको खबरले मर्माहत भएकी पत्नी बिना मगर पनि कंचनपुरबाट नर्भिक अस्पताल आइपुगेकी छन् ।

उनी कञ्चनपुर क्षेत्र नम्बर १ बाट बाम गठबन्धनको तर्फबाट प्रतिनिधिसभा सदस्यतर्फ प्रत्यक्ष उम्मेदवार छिन् । कञ्चनपुरबाट बिहान ११ बजेतिर अस्पतालमा आउँदा उनी भावविह्वल अवस्थामा थिइन् ।  यस्तै प्रकाश दाहाल निधनको खवरले जेठी श्रीमती श्रृजना त्रिपाठी बेहोस भएकी छन् । श्रीमान दाहालको मृत्युको खबरसँगै नर्भिक अस्पताल पुगेकी त्रिपाठी त्यहीँ बेहोस भएकी हुन् । उनको नर्भिक अस्पतालको आकस्मिक कक्षमा उपचार भइरहेको छ । माओवादी केन्द्रीय सदस्यसमेत रहेका प्रकाशको शव श्रद्धाञ्जलीका लागि पार्टी कार्यालय पेरिसडाँडा कोटेश्वरमा राखिने माओवादीले जनाएको छ ।

                                                                                                                                                                  फोटोः दिल निशानी

राष्ट्रपतिद्वारा प्रचण्डसँग भेट

राष्ट्रपति विद्यादेवी भण्डारीले पुत्रशोकमा परेका माओवादी अध्यक्ष प्रचण्डलाई भेट गरेकी छिन् । प्रचण्ड झापाबाट आउने बित्तिकै उनकै निवास लाजिम्पाट पुगेर राष्ट्रपति भण्डारीले गहिरो दुःख व्यक्त गर्दै समवेदन प्रकट गरेकी थिइन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: