पहिले दिदीबहिनी माथि बलात्कारको प्रयास, अहिले परिवारलाई कुटपिट


प्रकाशित मिति :2017-11-22 16:28:10

यमुना खनाल\महिला खबर

सिराहा । लाहान नगरपालिकाका दुई किशोरी दिदीबहिनी माथि बलात्कारको प्रयास गर्ने युवकका परिवारले किशोरी र उनकी आमालाई मरासन्न हुने गरी कुटपिट गरेका छन् ।

दिदीबहिनी माथि बलात्कारको प्रयास गर्ने देब पुर्बे बिरुद्ध मुद्धा दर्ता गराएको भन्दै पुर्बेका आमाबाबु, दिदीबहिनीले पीडित किशोरी र उनकी आमालाई मरणासन्न हुनेगरि कुटपिट गरेका हुन् । कुटपिटबाट गम्भीर घाइते आमा छोरीलाई उपचारका लागि बिपी कोईराला स्वास्थ्य बिज्ञान प्रतिष्ठान धरान लगिएको छ ।

गत कात्र्तिक ९ गते राती छठको अवसरमा आयोजना भएको नाच हेर्न जाने क्रममा छिमेकी सन्तोष भन्डारी र देब पुर्बेले किशोरीलाई जबरजस्तीको प्रयास गरेका थिए ।

घटनापछि पिडीतले जबरजस्ती करणी उद्योग अन्तरगत मुद्धा दर्ता गराएका थिए । घटनाका आरोपी सन्तोष भन्डारी र देब पुर्बे भने फरार छन् ।

अर्को छिमेकीसंग सामान्य जग्गाको बिषयमा बिबाद भइरहेको समयमा पुर्बेका परिवारै सबै आएर घरमा कोही नभएको मौका छोपी किशोरीकी आमालाई मरणासन्न हुने गरी कुटपिट गरेका छन् । आमालाई जोगाउँन जादा पिडीत किशोरीलाई कुटपिट गरेको छिमेकी दिपा चौधरीले बताएकी छन् ।

उनीहरूले ‘तेरा छोरीहरू नै चरित्रहिन हुन्, मेरो छोरालाई किन आरोप लगाई फसाएको’ भन्दै कोही नभएको मौका छोपी कुटपिट गरेको किशोरीकी आमाले बताइन् ।

साथै युवकका परिवारले मुद्धा दर्ता गरेपनि मुद्धा सफल हुन नदिने धम्की दिएर गाली बेइजती समेत गरेको उनले बताएकी छन् । उनीहरूले प्रहरीलाई किनी सकेको छौ भन्दै पटक–पटक गाली गलौज गर्दै आएको र सोमबार घरैमा आएर कुटपिट गरेको पनि उनले गुनासो गरिन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: