बालिका बलात्कारको घटना मिलापत्र गर्न प्रहरी र जनप्रतिनिधिको दवाव


प्रकाशित मिति :2017-11-28 17:11:50

सुनसरी । सुनसरीको दुहवीमा वालिका बलात्कारको घटना मिलापत्र गराउन खोजेको परिवारले गुनासो गरेका छन् । १५ बर्षीया बालिका बलात्कारको घटना जनप्रतिनिधि तथा प्रहरीले समेत मिलापत्र गराउन खोजेको अघिकारकर्मीको आरोप छ ।

प्रहरीले बलात्कारको आरोपमा दुहवी १० का दिलिप मण्डल र उनका छोरा शुशील मण्डललाई पक्राउ गरेपनि इलाका प्रहरी कार्यालय दुहवीले जाहेरी लिन नमानेको अधिकारकर्मीहरुले बताएका छन् । घटना मिलापत्र गराउन खोजेको उनीहरुको आरोप छ ।

अघिकारकर्मीका अनुसार वडा अध्यक्ष लघुराम चौधरी र वडा सदस्य अन्तुराम मण्डलले घटनालाई लुकाएर मिलापत्र गराउन खोजेका छन् । उनीहरुले घटना मिलापत्र गर्नका लागि पीडितको परिवारलाई दवाव समेत दिइरहेका छन् ।

नौ दिन अघि भएको घटनाको भोलिपल्ट स्थानीयवासी, वडाध्यक्ष, वडा सदस्यले बलात्कृत बालिकालाई पीडकको घरमा लगेर बलात्कार गर्ने युवकसँगै विवाह गर्नुपर्ने भन्दै जिम्मा लगाएका थिए ।

बलात्कारपछि बलात्कार गर्ने १५ वर्षका शुशील मण्डलले बुबा दिलिप मण्डलको सहयोगमा बालिकालाई हजुरआमाको घरमा लगेर छाडेको बताइएको छ ।

घटना सार्वजनिक भएपछि पीडित परिवारले ईलाका प्रहरी कार्यालय दुहबीलाई जाहेरी दिदा समेत प्रहरीले उजुरी नलिई मिलापत्र गराउन खोजेको पीडित परिवारको आरोप छ । बालिकाका अनुसार महिला प्रहरीले घटनाबारे सोधपुछ गर्नुपर्नेमा पुरुष प्रहरीले सोधपुछ गरिरहेका छन् ।

प्रहरीले भने जाहेरी दर्ता गरे पनि डाक्टरको रिपोर्ट नआएका कारण अनुसन्धान ढिलो भइरहेको बताएको छ । पीडक वावुछोरा अधिकारकर्मीहरुको पहलमा पक्राउ परेका हुन् । उनीहरुलाई रिहा गर्न प्रहरीलाई व्यापक दवाव रहेको बुझिएको छ ।

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: