एचआइभी संक्रमणबाट बच्न मलावीमा महिलाको लागि नयाँ साधन


प्रकाशित मिति :2017-12-05 14:20:39

मध्य अफ्रिकी महादेशको मलावी राज्यमा महिलाले गोलाकार साधन गुप्तांगभित्र हालेर एचआइभी संक्रमणबाट बच्ने कोशिश गरिरहेका छन् । यदि यौन सम्बन्ध राख्ने पुरुषले कन्डमको प्रयोग गरेनन् भने यो साधनले संक्रमणबाट बचाउन सक्छ ।

“एचआइभी संक्रमणबाट हामी सबै दिक्क भएका छौं । त्यसैले यसबाट जोगिन महिला जागरुक भएका छन् र यो साधनको प्रयोग गरिरहेका छन्,” एगनीस मलेमीया भन्छिन् ।

उनीहरु यो संक्रमणबाट चिन्तित छन् । यो गोलाकारमा बनेको साधनलाई सिलिकन रिङ्ग भनिन्छ । यसमा एचआइभी संक्रमणबाट बचाउने औषधिपनि हालिएको हुन्छ र यसलाई गुप्तांगभित्र राखिन्छ । महिलाले यो पुरुषलाई थाहा नदिइकन गोप्यरुपमा प्रयोग गर्न सक्छन् ।

“म एक नर्स र सुत्केरी गराउने महिला हुँ । मैले सामुदायिक स्वास्थ्यमा तालिम पनि लिएको छु । मैले यो परियोजनामा सबथोक अर्पेकी छु,” मलेमीया भन्छिन् ।

“मलावीमा एचआइभीको अवस्था भयावह थियो । हाम्रा स्वास्थ्य सेवाका कक्षहरु खचाखच भरिन्थे । यस्तो लाग्थ्यो कि सम्पूर्ण देश नै विरामी छ । सबै यसबाट केही न केहीरुपमा प्रभावित थिए । धेरैले आफ्ना प्रिय व्यत्तिहरु गुमाएका थिए,” उनी भन्छिन् ।

प्रत्येक हप्ता ७,००० भन्दा बढी नयाँ एचआइभी संक्रमणहरु अफ्रिकाको सवसाहरा क्षेत्रको महिलामा देखिने गरेका छन् । यो संक्रमण रोक्न कन्डमको प्रयोग गर्न सकिन्छ ।

“तर हाम्रो संस्कृतिमा यौन सम्बन्ध राख्ने पुरुष साथीसँग महिलालाई समझदारी बढाउन र सम्झौता गर्न गाह्रो छ । कन्डम लगाउने कुरामा त झनै गाह्रो छ । यसैले यो कुरा महिलाकोलागि चुनौतिपूर्ण छ । महिला यो संक्रमणबाट बच्न केही साधनको प्रयोग आफै भएपनि गर्न चाहन्छन्,” मलेमीया भन्छिन् ।

जुन महिलाले आफ्ना यौन साथीलाई कन्डमको प्रयोग गर्न लगाउन सत्तिनन्, जुन अवस्थामा सुरक्षित यौन सम्बन्ध समझदारीपूर्वक राख्न सकिंदैन, उनकोलागि यो सिलिकन रिङ्ग नै एक मात्र विकल्प हुन सक्छ

बिबिसी भिडियोमा देखाइएका केही महिलाले यो सिलिकन रिङ्ग परीक्षणकोरुपमा प्रयोग गरिरहेका छन् । धेरै पुरुष धेरै जनासँग यौन सम्बन्ध राख्छन् । यसै कारण संक्रमणपनि बढिरहेको छ। एउटा यो सिलिकन रिङ्गको ७०० रुपियाँ जति पर्छ । यो प्रत्येक महिना फेर्नु पर्छ । यो महिला आफैले फेरबदल गर्न सक्छन् । उनीहरुसँग यौन सम्बन्ध राख्ने साथीरुहरुले यो कुरा पत्ता लगाउन सक्दैनन् ।

ब्लानटाएर स्थित कुइन एलिजाबेथ हस्पिटलकी डाक्टर एन्नालेन नेलले यो सिलिकन रिङ्गको वैज्ञानिक परीक्षणको नेतृत्व लिएकी छिन् । त्यो परीक्षणले देखाएका नतिजा अनुसार यो रिङ्गको प्रयोग गर्ने प्रत्येक तीन महिला मध्ये एक महिला मात्र एचआइभी संक्रमणबाट बच्छिन् ।

“यो संक्रमणको बिकराल समस्यालाई हेर्दा प्रत्येक तीन मध्ये एक महिलालाई मात्र भएपनि जोखिमबाट बचाउन सकियो भने सामुदायिक स्तरमा यो संख्या बढ्दै जान्छ र संक्रमण घट्दै जान्छ । जुन महिलाले आफ्ना यौन साथीलाई कन्डमको प्रयोग गर्न लगाउन सत्तिनन्, जुन अवस्थामा सुरक्षित यौन सम्बन्ध समझदारीपूर्वक राख्न सकिंदैन, उनकोलागि यो सिलिकन रिङ्ग नै एक मात्र विकल्प हुन सक्छ,” डाक्टर नेल भन्छिन् ।

यो रिङ्ग वैज्ञानिक परीक्षणमा सफल भयो र यसलाई चिकित्सकको स्विकारे विश्वभरि नै उपलब्ध हुन सक्छ ।

साभारः– बिबिसी

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: