लैंगिक हिंसा न्यूनिकरणमा सञ्चारमाध्यमको भूमिका महत्वपूर्ण


सत्यता र गोपनियतामा ध्यान दिन आग्रह

प्रकाशित मिति :2017-12-06 10:34:30

-महिला खबर-

ललितपुर । लैंगिक विभेदका हिंसालाई अन्त्य गर्न सञ्चारमाध्यमको भूमिका महत्वपूर्ण रहने एक कार्यक्रमका सहभागिहरूले जोड दिएका छ ।

सञ्चारिका समूह, महिला पुनःस्थापना केन्द्र ओरेक) नेपाल र प्लान इन्टरनेशनलको संयुक्त आयोजनामा ललितपुरमा भएको अन्र्तक्रियामा सहभागिले सञ्चार माध्यमले लैंगिक हिंसाका विषयलाई उठान गर्दा सत्यता र गोपनियतामा ध्यान दिनुपर्ने बताए ।

सञ्चारिका समूहकी अध्यक्ष निर्मला शर्माले कार्यपत्र प्रस्तुत गर्दै सञ्चारमाध्यमले हिंसा प्रभावित महिलालाई न्याय दिने खालका समाचार सम्प्रेषण गर्नुपर्ने बताइन् ।

उनले भनिन्, ‘सञ्चारमाध्यमले महिलाका समस्यालाई उजागर मात्र नगरेर समस्या समाधानका उपायलाई समेत बाहिर ल्याउनुपर्छ । महिलाका विषय धेरै छन् । पछिल्लो समय महिलाका विषयलाई समाचारको विटको रुपमा समेत हेर्न थालिएको छ । ’

शर्माले महिलाको विषयमा रिपोटिङ गर्दा गहिराईमा पुगेर, लैंगिकताका विषयलाई पहिचान गर्नुपर्ने बताइन् ।

आरेक नेपालकी कोषाध्यक्ष पार्वती बस्नेतले लैंगिक विभेदमा आधारित हिंसाको वर्तमान अवस्था र चुनौतिहरूका बारेमा कार्यपत्र प्रस्तुत गरेकी थिइन् । उनले पित्तृसत्तात्मक सोचका कारण नै महिलाहरू हिंसा भोग्न बाध्य भएको बताइन् । सञ्चारमाध्यमले महिलाका समाचार सम्प्रेषण गर्दा गोपनियतामा ध्यान नदिँदा महिलाहरू दोहोरो जोखिममा पर्ने बताइन् ।

पत्रकार टंक पन्तले सञ्चारमाध्यमले आवाजविहीनहरूको आवाजलाई बाहिर ल्याउनुपर्ने बताए ।
हिंसाकै कारण महिलाहरू पीडित बनेको भन्दै पन्तले त्यस्ता विषयलाई पत्रकारीता मार्फत उजागर गर्नुपर्ने बताए ।

सहभागिहरूले पत्रकारले समाजमा स्वंय सेवकको भावले काम गरेको बताएका थिए । कार्यक्रमको सहजिकरण सञ्चारिका समूहकी महासचिव कमला पन्थीले गरेकी थिइन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: