जाँगरिली उपमेयर


प्रकाशित मिति :2017-12-06 12:57:02

-नरेन्द्र बस्नेत-

बेलबारी । अध्ययन र साहित्य सिर्जनामा रमाइरहेकी ढाकाकुमारी पराजुलीको दिनचर्या स्थानीय निकायको निर्वाचनमा मोरङको बेलबारी नगरपालिकाको उपमेयरमा बिजयी भएसँगै फेरियो ।

भोजपुरको साम्पाङमा जन्मिएर त्यहीबाट औपचारिक शिक्षा लिँदै सुकुना बहुमुखी क्याम्पस मोरङबाट नेपालीमा स्नातोकोत्तर गरेकी उनी साहित्य लेखन र वाचनमा बिशेष रुचि राख्थिन् । नीजि विद्यालय सञ्चालन गरेर शिक्षण समेत गर्दै आएकी उनलाई स्थानीय तहको निर्वाचनमा उपमेयरमा विजयी भएपछि थुप्रै जिम्मेवारी थपियो ।

स्थानीय निकायमा थपिएको जिम्मेवारी, पार्टीको जिम्मेवारी र परिवारको जिम्मेवारी यी सबै कुराहरूलाई संयोजन गर्दै उनले मेहनत गर्न सके जे कुरामा पनि सफलता हात पार्न सकिन्छ भन्ने उदाहरण पेस गरेकी छिन् ।

पराजुलीले आफूले मात्र नभई छिमेकीलाई समेत काम गर्न सिकाइरहेकी छिन् । सुरुमा उपमेयर पराजुलीले उर्लाबारीबाट १० पोका च्याउको बिउ किनेर ल्याइन् । उनले पाँच पोका घरमा राखिन् भने पाँच पोका छिमेकीलाई रोप्न दिइन् । एक महिनाअघि किनेर ल्याएको च्याउको बिउको प्रतिफल अहिले उनले पाउँन थालेकी छन् ।

उनले पाँच पोका बिउबाट ५० किलोभन्दा बढी च्याउ उत्पादन गरेको बताइन् । ‘राजनीति र समाजसेवामा लागेपछि घरमा केहि गर्न भ्याईंदैन । बिहान बेलुका समय निकालेर रोपेको च्याउ अहिले राम्रो आम्दानीको श्रोत हुँदो रहेछ भन्ने मलाई लाग्यो’ उनले भनिन । आफैले उत्पादन गरेका च्याउ अग्र्यानिक पनि हुने भएकाले नगरपालिकामा आफ्नो पहिलो काम पनि च्याउ खेतीकै प्रवद्र्धन रहने उनले बताइन् ।

साहित्य सिर्जनासँगै समाजसेवा र राजनीतिमा समेत सक्रिय पराजुलीले नेपाललाई कृषिप्रधान देश भनिए पनि त्यस अनुसारको काम भने नभएकाले सचेतनाका लागि च्याउ रोपेको उनले बताइन् ।

बजारमा अहिले च्याउ प्रतिकिलो २ सय देखी २ सय ५० रुपैयासम्ममा खरिद बिक्रि हुने गरेको छ । उपमेयरको यो कार्यप्रति अन्य छिमेकी समेत सो खेतीतर्फ आकर्षित हुन थालेका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: