बलात्कारका घटनामा आफन्तकै संलग्नता


प्रकाशित मिति :2017-12-12 13:37:20

-महिला खबर-

कैलाली । महिलाहरू आफन्तबाटै असुरक्षित हुने गरेका छन् । आफन्त तथा छिमेकीहरू नै बढीजसो महिला हिंसा तथा बलात्कारका घटनामा संलग्न हुने गरेको सरोकारवालाहरूले बताएका छन् ।

दलित महिला अधिकार मञ्च कैलालीले सोमबार धनगढीमा आयोजना गरेको कार्यक्रममा बोल्दै कैलालीका जिल्ला न्यायाधीश परशुराम भट्टराईले पछिल्लो समयमा अदालतमा आएका बलात्कारका अधिकाश घटनामा आफन्त वा छिमेकीबाटै भएका पाइएको बताए ।

कार्यक्रममा कैलालीका प्रमुख जिल्ला अधिकारी गोविन्दप्रसाद रिजालले सामाजिक मुल्य मान्यताका कारण पनि बलात्कारका अधिकांस घटना अदालतसम्म पुग्न नसकेको बताए ।

‘बलात्कारमा परेका महिलाप्रति समाजले नकारात्मक दृष्टिकोणले हेर्ने डरका कारण कतिपय पीडितले घटना लुकाएर राखेको पनि पाइन्छ’ प्रजिअ रिजालले भने ।

कैलालीका जिल्ला प्रहरी कार्यालयका प्रहरी प्रमुख एसपी विनोद घिमिरेले अझै पनि ५० प्रतिशतभन्दा बढी बलात्कारका घटना प्रहरी तथा अदालतसम्म पुग्न नसकेको बताए ।

उनले पीडितले ढिलोगरी उजुरी दिनु र अनुसन्धानमा प्रमाण जुटाउन कठिन हुनुले पनि पीडितले न्याय पाउन गाह्रो हुने गरेको बताए ।

कार्यक्रममा वरिष्ठ अधिवक्ता राजेन्द्रबहादुर साउँदले कार्यपत्र प्रस्तुत गर्दै कार्यस्थलमा हुने यौन दुव्र्यहारका मुद्दा अदालत तथा प्रशासनमा दर्ता नभएको पाइएको बताए ।

कार्यपत्र अनुसार आर्थिक वर्ष २०७३/७४ मा जवरजस्ती करणीका २७ वटा मुद्दा दर्ता भएकोमा १५ वटा मुद्दा फैसला भई १२ वटा चालु अवस्थामा रहेका छन् ।

त्यस्तै, आर्थिक वर्ष २०७४/७५ मा १८ वटा मुद्दा दर्ता भई सरेर आएका र नयाँ दर्ता भएका मुद्दाको संख्या ३० रहेका छन् ।

त्यस्तै जबरजस्ती करणी उद्योग मुद्धाको संख्या आर्थिक वर्ष २०७३/७४ मा १२ वटा दर्ता भई सात वटा फैसला हुँदा पाँच वटा चालु अवस्थामा रहेको र आर्थिक वर्ष २०७४/७५ मा चार वटा मुद्धा दर्ता भई नौ वटा पुगेको बताए ।

यस्तै आर्थिक वर्ष २०७३/७४ मा दुई वटा अप्राकृतिक मैथुनमा दुई वटा मुद्धा दर्ता भएकोमा फैसला हुन नसकेको बताए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: