एक तिहाइ महिला पुर्र्याउन मुस्किल


प्रकाशित मिति :2017-12-14 10:25:58

-महिला खबर-

काठमाडौं । प्रदेश तथा प्रतिनिधिसभा निर्वाचनमा प्रत्यक्षतर्फ मतगणनाको अन्तिम परिणाम आइसकेको छ । मत गणनाको अन्तिम परिणाम अनुसार अत्यन्त न्यून संख्यामा महिला विजयी भएका छन् ।

संसदमा एक तिहाइ महिलाको उपस्थिति गराउनुपर्ने संवैधानिक व्यवस्था भएपनि न्यून संख्यामा महिला निर्वाचित हुँदा संसदमा एक तिहाइ महिलाको उपस्थिति पूरा गर्न कठिन देखिएको छ ।

संसदमा महिलाको उपस्थिति कम भएपछि अब समानुपातिकतर्फ र माथिल्लो सदन राष्ट्रिय सभा दुवैमा धेरै महिला सदस्यहरूको प्रतिनिधित्व पुर्याउनुपर्ने दबाब दलहरूलाई पर्ने भएको छ ।

नयाँ संविधानमा संघीय संसदमा महिलाको संख्या कम्तीमा एक तिहाइ हुनुपर्ने व्यवस्था गरिएको छ । यसअघि प्रत्यक्षतर्फ कम महिला उम्मेदवारहरूलाई उठाएको भन्दै अधिकारकर्मीहरूले प्रमुख दलहरूको आलोचना गरेका थिए ।

महिलातर्फ प्रतिनिधिसभामा ६ र प्रदेशसभामा १३ जना महिला मात्र निर्वाचित भएका छन् ।

प्रतिनिधि सभातर्फ २ सय ७५ तथा राष्ट्रिय सभाको ५९ सदस्य गरी संघीय संसदमा ३ सय ३४ जना सांसदहरू छानिनेछन् जसको एक तिहाइ भन्नाले १ सय १२ महिला सांसद हुनुपर्नेछ ।

उक्त संख्या पुर्र्याउन अब समानुपातिकतर्फ र राष्ट्रिय सभाबाट गरी थुप्रै महिला सदस्यको प्रतिनिधित्व सुनिश्चित गर्नुपर्ने संविधानविद्हरू बताउँछन् ।

त्यस्तो धारणा राख्ने मध्येका एक संविधानविद् भिमार्जुन आचार्य त्यो काम सहज भने नहुने बताउँछन् । उनले भने, ‘एक तिहाइ पुर्याउन समानुपातिकमा छुट्याएको सबै सिट नै महिलालाई दिनुपर्ने देखिन्छ तर अहिलेको व्यवस्था अनुसार त्यो सम्पूर्ण सिट नै महिलालाई दिन सम्भव हुँदैन । अन्य वर्ग समुदायको लागि पनि त्यो छुट्याइएको छ ।’

राष्ट्रिय सभामा सातवटै प्रदेशबाट कम्तीमा ३ महिला सहित ८ जना छानिने संवैधानिक व्यवस्था छ । बाँकी सदस्यमा पनि महिलालाई प्राथमिकता दिए समस्या समाधान हुनसक्ने संविधानविद् आचार्यको भनाइ छ । समानुपातिक प्रणालीतर्फ दलित, आदिवासी जनजाति, खसआर्य, मधेसी, थारु र मुश्लिमको प्रतिनिधित्व पनि अनिवार्य रुपमा गर्नुपर्ने व्यवस्था छ ।

समानुपातिकको बन्द सूचीमा सोही बमोजिमको नाम दलहरूले दर्ता गराइसकेका छन् । ती समूहको प्रतिनिधित्वलाई समेत ध्यान दिनुपर्ने व्यवस्था भएकोले एकतिहाई महिला पुर्याउन सहज र सम्भव नहुने देखिएको हो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: