सहजै नागरिकता नपाएको समलिङ्गीको गुनासो


प्रकाशित मिति :2017-12-17 11:45:12

–महिला खबर–

सुनसरी । सुनसरीका समलिङ्गीहरूले सहज रुपमा नागरिकताको प्रमाण पत्र पाउन नसकेको गुनासो गरेका छन् । इटहरीमा पत्रकार सम्मेलन गरी समलिंगीको क्षेत्रमा कार्यरत निलहिरा समाज र सहारा समाजले त्यस्तो गुनासो गरेका हुन् ।

सर्वोच्च अदालतले २०६४ पुस ६ गते समलिङ्गी वा तेस्रो लिङ्गीलाई बिना भेदभाव नेपाली नागरिकता उपलब्ध गराउन आदेश जारी गरे पनि सो आदेशको कार्यावन्यन नभएको भन्दै उनीहरूले राज्यको ध्यानाकर्षण गराएका छन् ।

अदालतको आदेश जारी भएको १० बर्ष बिते पनि अझैं तेस्रो लिङ्गी समालिङ्गीले सहज रुपमा नागरिकता पाउन नसकेको भन्दै उनीहरूले आक्रोस जनाएका छन् ।

निलहिरा समाजका सुमन तामाङका अनुसार सुनसरीमा मात्र झण्डै २५ देखि ३० हजारको सङ्ख्यामा तेस्रो लिङ्गी छन् । त्यसमध्ये महिलाले पुरुषभन्दा धेरै पीडा भोग्नुपरेको उनको भनाइ छ ।

नयाँ संविधान प्राप्त गरिसकेको अवस्थामा सम्पूर्ण नागरिकप्रति समान व्यवहार गरिनुपर्नेमा त्यसो हुन नसकेको भन्दै विभेदको दर बढ्दो क्रममा रहेको तामाङले बताए ।

तामाङले अझै पनि तेस्रोलिङ्गी विवाहलाई समाज र राज्यले समेत नकारात्मक दृष्टिकोणले हेर्ने गरेको बताए । उनले संविधानमा भएको व्यवस्था एवम् जारी आदेशलाई व्यवहारमा उतार्न आग्रह गरे ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: