बालविवाह न्यूनिकरण गर्न दबाब, हस्तक्षेप र कारवाही अभियानको खाँचोः शर्मा


प्रकाशित मिति :2017-12-20 12:45:40

–महिला खबर–

कपिलवस्तु । सञ्चारिका समूहका अध्यक्ष निर्मला शर्माले बालविवाह न्यूनिकरण गर्न निरन्तर दबाब, हस्तक्षेप र कारवाहीमुलक अभियानको खाँचो भएको बताएकी छन् ।

संचारिका समूहले मंगलवार तौलिहवामा आयोजना गरेको बालविवाह न्यूनिकरणका लागि युवाहरूसँगको अभिमुखिकरण कार्यक्रमममा शर्माले यस्तो बताएकी हुन् ।

नागरिक स्तरबाट दबाब, राज्यका निकायबाट हस्तक्षेप र कानुनी कारवाहीमुलक अभियानबाट मात्र बालविवाह न्यूनिकरण हुने उनको भनाई थियो । वालविवाह जस्तो दण्डनिय कार्यको निरुत्साहित गर्न युवाहरूको अहम भूमिका हुने पनि शर्माले बताइन् ।

कार्यक्रममा यूएनएफपीएका फिल्ड संयोजक चित्र महतोले मुलुकमै कपिलवस्तु बालविवाह हुनेमा तेस्रो स्थानमा आएको बताउँदै अब कपिलवस्तुलाई बालविवाह मुक्त जिल्ला घोषणा गर्न सबै लाग्नुपर्नेमा जोड दिनु दिए ।

वालविवाह न्यूनिकरणका लागि युवाहरूको अभियान सार्थक रहने र उक्त अभियानलाई सबैले काँधमा काँध मिलाउनु पर्ने धारणा राखे ।

कार्यक्रममा सञ्चारिका समूहका केन्द्रिय कोषाध्यक्ष यशोधा अधिकारीले बालविवाह रोकिएमा मात्रै समृद्ध समाज निर्माण हुने बताइन् ।

सञ्चारिका समूहका जिल्ला अध्यक्ष पार्वती पाण्डेले बालविवाह न्यूनिकरण अभियानलाई सबैले सहयोग गर्दै अभियानमा सरिक हुनुपर्ने बताइन् ।

यूएनएफपीए र सञ्चारिका समूहको आयोजनामा गरिएको कार्यक्रममा कपिलवस्तुका ६ वटा नगरपालिका र ४ गाउँपालिका गरि १० स्थानीय तहका सबै समुदायका ४० युवाहरूको सहभागिता रहेको थियो ।

कार्यक्रममा सहभागिको तर्फबाट पत्रकार नारायण पाण्डे र रेनु मिश्रले आफुहरूले सिकेका कुरा व्यवहारमा उतार्दै समुदाय र गाउँस्तरसम्म बालविवाह गर्नु हुदैन भन्ने सन्देश फैलाउने र निरन्तर अभियानमा सरिक हुने प्रतिवद्धता जनाए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: