हिंसा न्यूनिकरणमा सामुदायिक प्रहरीको भूमिका महत्वपूर्ण


प्रकाशित मिति :2017-12-24 12:17:51

-महिला खबर-

काठमाडौं । समाजमा हुने चेलिबेटि बेचबिखन, लैंगिक तथा यौनिक हिंसा न्यूनिकरणमा सामुदायिक प्रहरीको भूमिका महत्वपूर्ण हुने एक कार्यक्रमका सहभागिले जोड दिएका छन् ।

मानव अधिकार सञ्चार प्रतिष्ठान नेपालको आयोजना तथा जुरी नेपाल र सञ्चारिका समूहको सहकार्यमा भएको परामर्श गोष्ठिमा सहभागीहरुले प्रहरीले राजनीतिक दबाबका कारण पीडकलाई उन्मुक्ति दिन नहुने बताए ।

कार्यक्रममा सामुदायिक प्रहरीका प्रमुख प्रहरी नायव उपरीक्षक डा.मेखबहादुर खत्रीले कार्यपत्र प्रस्तुत गर्दै पीडितलाई न्यायदिन सबैको भूमिका महत्वपूर्ण हुने बताए ।

उनले भने, ‘समुदायका नागरिकमा म पनि सामुदायिक प्रहरी हो,भन्ने भावना हुनुपर्छ, पीडितलाई न्यायदिन सबै जिम्मेवार हुनुपर्छ ।’ उनले सामुदायिक प्रहरीलाई समाजको मुटुको रुपमा लिनुपर्ने बताए ।

जुरी नेपालका अधिवक्ता विष्णु पोखरेलले समाजमा अपराधको स्वरुप परिवर्तन हुन थालेको भन्दै नागरिक सचेत हुनुपर्ने बताए । उनले राजनीतिक दबाबकै कारण पीडितले न्याय नपाएको भन्दै यसमा प्रहरी सचेत हुनुपर्ने बताए ।

पत्रकार कृष्ण केसीले समाजमा हुने हिंसा न्यूनिकरण गर्न सञ्चार, नागरिक समाज, समुदायको भूमिका महत्वपूर्ण हुने बताए ।

प्रतिष्ठानका सदस्य देविका तिमिल्सनाले सामुदायिक प्रहरी जनमैत्री, मानवअधिकारमैत्री हुनुपर्नेमा जोड दिए । उनले भने, ‘मानव अधिकार रक्षाका लागि लैंगिक हिंसा अन्त्य गर्नु आवश्यक छ ।’

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: