गुरुङ भाषाको कविता प्रतियोगितामा कुसुम पहिलो


प्रकाशित मिति :2017-12-29 14:26:55

–बेलिना थापा–

लमजुङ । गुरुङ समुदायको महानपर्व ल्होसारको अवसरमा लमजुङ सदरमुकाम बेसिशहरमा आयोजना गरिएको गुरुङ कविता प्रतियोगितामा कुसुम गुरुङ पहिलो भएकी छन् ।

बेसिशहर नगरपालिका ७, मनाङेचौतारा निवासी गुरुङ कविता प्रतियोगितामा पहिलो भएकी हुन् । गुरुङले प्ह्रेंस्यो अर्थात दुलहीमा समावेश गरिएको ‘माया पिरती’ बोलको कविता वाचन गरेकी  थिइन् । उनी मनाङे चौतारा तमू आमा समूहको तर्फबाट प्रतियोगितामा सहभागि भएका हुन् ।

प्रतियोगितामा पहिलो भएपछि उनले मौलिक भाषा र संस्कृतिको जगेर्नाका लागि थप हौसला मिलेको बताइन् । प्रतियोगितामा तमु प्ये ल्हु संघ लमजुङको युवा संघका अध्यक्ष शेषबहादुर गुरुङ दोस्रा भए । प्रगतिटोलका जनकबहादुर गुरुङ तेस्रो भएका छन् ।

आयोजक तमु प्ये ल्हु संघ लमजुङका अध्यक्ष क्याप्टेन मिलबहादुर गुरुङले पुस १५ गते तमू संग्रहालयमा आयोजना गरिने औपचारिक कार्यक्रममा विजयीलाई पुरस्कार वितरण गरिने जानकराी दिए ।

यसैगरी, बिहीबारनै आयोजना गरिएको बेंसीसहरस्थित टोल–टोलका गुरुङ आमाहरूबीचको हाजिरीजवाफ प्रतियोगितामा मनाङे चौतारा तमू आमा समूह पहिलो भएको छ । प्रतियोगितामा प्रगतिटोल आमा समूह दोस्रो, शान्तिटोल आमा समूह तेस्रो र तमु प्ये ल्हु संघको आमा समूह सान्त्वना भएको संघकी सचिव मनमाया गुरुङले बताइन् ।

हाजिरीजवाफमा गुरुङ भाषा, संस्कार, संस्कृतिलाई प्राथामिकतामा राखेर प्रश्नावली तयार पारिएको उनले बताइन् । यस्तै, जिल्लाबाट प्रदेश तथा प्रतिनिधि सभामा निर्वाचित तथा जनप्रतिनिधिमा निर्वाचित स्थानीय तहका नेता, गुरुङ समुदायका केन्द्र तथा जिल्लामा रहेका संघसंस्था प्रमुख ब्यक्ति तथा चर्चित व्यक्तिको नामावली समेत सोधिएको उनले बताइन् ।

गुरुङ समुदायमा भाषा र संस्कृतिको प्रयोग घट्दो क्रममा रहेकाले यसलाई संरक्षण र संवद्र्धन गर्न कविता प्रतियोगिता र हाजिरीजवाफ प्रतियोगिता आयोजना गरिएको तमु प्ये ल्हु संघका अध्यक्ष गुरुङले बताए । गुरुङ समुदायले बुधबारदेखि विभिन्न कार्यक्रमको आयोजना गरी ल्होसार मनाइरहेका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: