अछामका सांसदहरूले भने, ‘छाउ प्रथा हटाउन तत्पर छौं’


छाउ गोठमा महिलाको ज्यान गएको प्रति राष्ट्रपतिको चासो

प्रकाशित मिति :2018-01-12 20:52:54

–महिला खबर–
काठमाडौं । महिनावारी प्रथाका कारण महिलाहरूले ज्यान गुमाउनु परेको विषयप्रति अछामका सांसदहरूले गम्भीर ध्यानाकर्षण भएको बताएका छन् ।
आज राष्ट्रपति कार्यालय शितल निवासमा भएको छलफल कार्यक्रममा बोल्दै अछामका प्रदेश तथा प्रतिनिधिसभा सदस्यहरूले कुनै एउटा प्रथा वा परम्पराका कारण मान्छेको ज्यान जानु लज्जास्पद विषय भएको बताए ।

राष्ट्रपति नै महिला भएको देशका महिलाहरू महिनावारी कुप्रथाका कारण ज्यान गुमाउन बाध्य भएको अवस्था देशकै लागि बद्नामको विषय भएको भन्दै यो अवस्थाको अन्त्यका लागि गर्न सकिने पहल कदमीका विषयमा रणनीति तयार गर्न कार्यक्रम आयोजना गरिएको राष्ट्रपति कार्यालयका स्वकिय सचिव बिलला राईले जानकारी दिइन् ।

सन् २००९ देखि हालसम्म महिनावारी भएकै बेला अछाममा १२ जना महिलाले ज्यान गुमाइसकेको कुरा सञ्चारमाध्यममा आएपछि राष्ट्रपति विद्यादेवी भण्डारीले निकै चासोका साथ यो विषयलाई लिएको स्वकिय उपसचिव दीपा शर्माले बताइन् ।
नेकपा एमाले अछामका अध्यक्ष एवम् पहिलो संविधानसभाका सदस्य शेरबहादुर कुँवरले महिनावारी प्रथा रोकथामका लागि स्थानीय सरकारले कडाइका साथ लाग्नुपर्ने सुझाव दिए ।

कार्यक्रममा बोल्दै प्रदेशसभा सदस्य झपट बोहराले महिनावारी प्रथा नियन्त्रण गर्न बनेका ऐन कानुनहरूको कार्यान्वयन हुन सके महिलाहरूले छाउ गोठमा ज्यान गुमाउनु पर्ने अवस्थाको अन्त्य हुने बताए ।
प्रदेशसभा सदस्य दुर्गा विकले बुबा, दाजुभाईहरूले श्रीमती र छोरीबहिनीहरूको रक्षाका लागि महिनावारीका बेला गोठ पठाउन नहुने बताइन् ।
डोटीबाट प्रदेशसभा सदस्य पूर्णा जोशीले जबसम्म राजनीतिक दलका नेता, शिक्षक र धर्म गुरुहरू महिनावारी प्रथाको नकारात्मक असरका बारेमा बोल्दैनन्, तबसम्म यसको अन्त्य नहुने बताइन् ।

नेकपा एमालेका पोलिटब्यूरो सदस्य विन्दा पाण्डेले महिनावारीको विषय राजनीतक दलको एजेण्डा हुनुपर्ने बताइन् । उनले महिनावारी कुप्रथाको अन्त्यका लागि युवा संगठन, शिक्षक संगठन र स्वयम्सेविकाहरूले जागरणका कार्यक्रम संचालन गर्न जरुरी रहेको बताइन् ।
कार्यक्रममा सांसद बल बहादुर सोडारी, मीना साउद, गोविन्द कुँवर, अम्बिका थापा, पूर्व सांसद जानकी साउद, नेकपा एमाले कञ्चनपुरका जिल्ला समन्वय समिति उप प्रमूख सानु बुडथापा, राष्ट्रपति महिला उत्थान कार्यक्रमका नरेश चापागाँई, महिला बालबालिका तथा समाज कल्याण मन्त्रालयका सह सचिव राधिका अर्याल, महिला खबरका सम्पादक लोग्शरी कुँवर लगायतले विचार व्यक्त गरेका थिए ।

कार्यक्रममा महिनावारीको विषयमा गलत बुझाइ रहेका कारण महिलाहरूलाई घरभन्दा टाढा बनाइएका अवैज्ञानिक गोठहरूमा राख्दा विभिन्न कारणले मृत्यु हुने कारण नरोकिएपछि अब राजनीतिक दल, जनप्रतिनिधि, पत्रकार, सामाजिक अगुवाहरूले जागरणका कार्यक्रम संचालन गर्न जरुरी रहेको सम्बन्धमा पनि छलफल गरिएको थियो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: