एक वर्षे छोरासँगै घर निकाला भएपछि सहयोगको आशामा महली


प्रकाशित मिति :2018-01-17 16:38:20

–महिला खबर–

कपिलवस्तु । शिवराज नगरपालिका वडा नं. ९ अञ्चलपुरकी २६ वर्षीया महली थारु, शारीरिक र मानसिक रुपमा असक्षम छन् । उनी हिँड्डुल गर्न सक्दिनन् । नत बोलेर नै आफ्नो समस्या सुनाउन सक्छिन् । तर पनि उनको हाउभाउबाट उनले भन्न खोजेको उनको पीडा जो कोहिले पनि सहजै महसुस गर्न सक्छन् ।

महलीका १ वर्षका छोरा छन् । गाउँकै भेडवा थारुले उनलाई गर्भवती बनाएपछि गाउँलेले नै महलीको विवाह भेढवा थारुसँग गराइदिए । महलीसँगको विवाहपछि भेढवाले दोस्रो विवाह गरे । उनलाई घरबाट निकालिदिए । एकातिर शारीरिक र मानसिक अवस्था कम्जोर, अर्कोतिर काखे बालकसँगै घरबारविहीन भईन उनी ।

दुबै खुट्टा र एउटा हात चलाउन नसक्ने महली थारुको श्रीमान र घर परिवारले विभिन्न यातना र अपहेलना गरि घरबाट निकाली दिएपछि उनीसँगै एक वर्षे बालकको बिचल्ली भएको छ । सामाजिक सुरक्षा अन्तरगत उनले पाउनुपर्ने रकम पनि उनका बुबाले बुझ्दै आएको थारुका छिमेकीहरूले बताएका छन् । शिवराज नगरपालिका वडा नं ९ को अन्चलपुरमा उनका श्रीमानको घर सम्पत्ति छ । श्रीमानले नै घरबाट रिक्सामा चढाई बेबारिसे अवस्थामा बालापुरमा छाडेको स्थानीयले बताएका छन् ।

अहिले आफन्तकोमा आश्रय लिइरहेकी महलीको अवस्था देखेर उनलाई डब्लु सीपीसीले खाद्यान्न र न्यानो कपडा सहयोग गरेको छ ।

निकै दयनीय अवस्थाकी महलीलाई उनको परिवारको जिम्मा लगाउने, उनले पाउने सुरक्षा भत्ता उनलाई र उनको छोरालाई स्याहार सम्भार गर्नेलाई दिने व्यवस्था मिलाउन आफूले तत्काल वडा नं. ९ का अध्यक्ष चुर बहादुर खड्कालाई निर्देशन दिने नगर प्रमुख नेत्रराज अधिकारीले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: