श्रीमतीको उपचारमा सहयोगको याचना


प्रकाशित मिति :2018-01-21 14:57:44

–महिला खबर–

दोलखा । दोलखा भीमेश्वर नगरपालिका वडा नम्बर ५ का यज्ञबहादुर कार्की अहिले श्रीमतीको फोटो र वडापालिकाले दिएको सिफारिस बोकेर सहयोगको याचनासहित बजारमा डुलिरहेका छन् ।

‘चार महिनादेखि दुवै मृगौला बिग्रीएर ६१ वर्षीया श्रीमती मैया कार्की थला परेकी छन्, उपचार गर्न आर्थिक अवस्था कम्जोर भएकोले सहयोगको याचना गर्दै हिँडेको छु’ यज्ञबहादुरले भने ।

उनलाई श्रीमतीको उपचारको लागि कति पैसा खर्च लाग्छ भन्ने जानकारी पनि छैन । छोराले आमाको उपचारको लागि धेरै पैसा लाग्ने भयो भनेकाले सहयोगीको खोजिमा वडापालिकाले बनाइदिएको सिफारिस बोकेर पसल–पसल धाईरहेको कार्कीको भनाइ छ ।

मृगौलामा समस्या देखिएपछि उपचारको लागि काठमाडौँस्थित वीर अस्पताल लगेको तर धेरै पैसा लाग्ने भएकोले थप उपचार गराउँन नसकि अहिले श्रीमतीलाई घरमै ल्याएको कार्कीले बताए ।

विगतमा तरकारी खेती गरेर गुजारा चलाएको बताउँने यज्ञबहादुर अहिले बुढेसकाल लागेकोले खेतीपाति गर्न सक्दैनन् । दुई भाई छोराको पनि राम्रो कमाई नभएकोले उनीहरू आफैलाई पालिन कठिन रहेको दुखेसो गर्छन् ।

श्रीमती बिरामी भएपछि पुरै घर लथालिङ्ग बनेकोले थप पीडा भएको उनले बताए । ‘श्रीमती बिरामी छिन् । म उपचार खर्च खोज्दै बाहिर–बाहिर हिँडेको छु’ कार्कीले भने । घरमा बिरामी श्रीमती छोडेर खर्च जुटाउँन हिँड्दा मन पोलिरहन्छ, कतिबेला श्रीमतीलाई के हुने हो सोचेर । कुनै दाताले श्रीमतीको उपचारमा सहयोग गरिदिएको भए फेरि खेतीपातिमा फर्कन सकिने आशमा रहेको यज्ञबहादुरले सुनाए ।
तस्विरः बिरामी श्रीमती र वडापालिकाको सिफारिस सहित यज्ञबहादुर

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: