आचार संहिता उल्लंघन गर्नेमा पुरुष पत्रकार बढीः किशोर श्रेष्ठ


प्रकाशित मिति :2018-02-01 17:09:00

–महिला खबर–

काठमाडौं । प्रेस काउन्सिल नेपालका कार्यवाहक अध्यक्ष किशोर श्रेष्ठले संचार माध्यममा आचार संहिता उल्लंघन गर्नेमा पुरुष पत्रकार बढी रहेको बताएका छन् । क्रियाशील पत्रकार महिला (डब्लुडब्लुजे) को पाँचौ महाधिवेशनमा बोल्दै कार्यवाहक अध्यक्ष श्रेष्ठले यस्तो बताएका हुन् ।

‘संचार माध्यममा आचार संहिता उल्लंघन गर्नेमा पुरुषको संख्या बढी छ । महिलाले लेखेको समाचार वा महिला सम्पादक भएका मिडियाले आचार संहिता उल्लंघन गरे भनेर उजुरी परेको छैन’ कार्यवाहक अध्यक्ष श्रेष्ठले भने ।

श्रेष्ठले पत्रकार महिलालाई पेसामा टिकिरहन समस्या भए पनि पेसाप्रति प्रविद्धता राखेर काम गर्ने महिलाहरूलाई अवसर पनि थुप्रै रहेको बताए ।

न्यूनतम पारिश्रमिक निधारण समितिका अध्यक्ष गंगाधर तुलाधरले पत्रकार महिला विभिन्न चुनौतीका कारण पलायन हुने क्रममा रहेकाले उनीहरूको गुणात्मक वृद्धिमा संचार माध्यमले जोड दिनुपर्ने बताए । ‘पत्रकार महिलाहरूको क्षमता वृद्धि गरी पत्रकारिता पेसामा निरन्तरताका लागि सञ्चार माध्यम लगायतका संस्थाले भूमिका खेल्नुपर्छ’ अध्यक्ष तुलाधारले भने ।

पत्रकार महासंघका अध्यक्ष गोविन्द आचार्यले पत्रकारहरूको न्यूनतम पारिश्रमिक चालिस हजार बनाउनु पर्ने बताए ।

सञ्चारिका समूहका अध्यक्ष निर्मला शर्माले पत्रकार महिलाहरूको संख्यात्मक वृद्धिलाई अर्थपूर्ण बनाउन गुणात्मक वृद्धि गर्नुपर्ने बताईन् ।

कार्यक्रममा प्रेस चौतारी नेपालका अध्यक्ष गणेश बस्नेत, डब्लूडब्लूजेका संस्थापक अध्यक्ष संगिता लामा, पत्रकार महासंघका पूर्व उपाध्यक्ष अनिता विन्दु, मिडिया एड्भोकेसी गुप्रका अध्यक्ष बबिता बस्नेत लगायतले मन्तव्य राखेका थिए ।

कार्यक्रम डब्लुडब्लुजेका अध्यक्ष शुभेच्छा विन्दु तुलाधरको अध्यक्षतामा भएको थियो ।

डब्लुडब्लुजेको पाँचौ महाधिवेशनले संस्थाको नयाँ कार्यसमिति चयन गर्नेछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: