वादी महिलाको कथामा आधारित ‘नथिया’ सार्वजनिक


प्रकाशित मिति :2018-02-04 13:02:33

–महिला खबर–

काठमाडौं । कवि तथा निबन्धकार सरस्वती प्रतीक्षाको उपन्यास ‘नथिया’ सार्वजनिक भएको छ । उपन्यासको प्रदेश नम्बर ७ की प्रदेशसभा सदस्य तथा बादी अगुवा उमादेवी बादीले शनिबार काठमाडौंमा आयोजित कार्यक्रममा विमोचन गरिन् ।

नेपाल प्रज्ञा–प्रतिष्ठान कमलादीमा भएको कार्यक्रममा प्रमुख अतिथि उमा बादीले सदियौंदेखिका समस्या र बाध्यता उपन्यासले उर्तान सफल भएको बताइन् । उनले बादी समुदायका पीडित महिलाको अवस्थालाई उपन्यास मार्फत उतारेर लेखकले ठूलो गुन लगाएको बताइन् । ‘नथिया’ बादी समुदायका लागि गीता, महाभारत जस्तै श्रद्धाको पुस्तक बनेको उनको भनाइ छ ।

कार्यक्रममा पत्रकार नारायण वाग्लेले उपन्यासमाथि टिप्पणी गर्दै ‘नथिया’ सरल भाषामा यथार्थलाई प्रस्तुत गरिएको कृति भएको भन्दै समकालीन आख्यानमध्ये उत्कृष्ट रहेको बताए । वाग्लेले उपन्यासले पुरुषले महिलामाथि गरेका शोषण र ज्यादतिलाई औपन्यासिक रुप दिएर ज्यादतिविरुद्ध बोल्ने साहस गरेको बताए ।

राष्ट्रिय सूचना आयोगका आयुक्त यशोदा तिम्सिनाले उपन्यासको कथा हृदयस्पर्शी रहेको भन्दै बादी महिलाको आँसु, कथित ठूलाबडाको ज्यादतीलाई सशक्त रुपमा प्रस्तुत गर्न उपन्यास सफल भएको बताइन् ।

उनले यथार्थ विषय लेख्ने हिम्मत थोरैले मात्रै गर्ने भएकाले बादी महिलाको कथालाई सरल र सहज रुपमा प्रस्तुत गरेको टिप्पणी गरिन् ।

कार्यक्रममा चलचित्र निर्देशक दीपेन्द्र के खनालले नथियामाथि चलचित्र निर्माण गर्ने घोषणा समेत गरे । उपन्यासले आफूलाई प्रभावित पारेको भन्दै खनालले त्यसैमाथि चलचित्र बनाउने सोच आएको बताए ।

उपन्यासकार प्रतीक्षाले दाङको पश्चिम उत्तर क्षेत्रमा अपहेलित बादी महिलाको कथालाई उपन्यासमार्फत प्रस्तुत गरेको बताइन् ।

२०३६ देखि २०४६ सालसम्मको बादी महिलाको कथालाई प्रस्तुत गर्नु सहज नभएको भन्दै उनले ‘नथिया’ ९५ प्रतिशत सत्य घटनामा आधारित रहेको बताइन् ।

गणतन्त्र घोषणापछि आफ्ना माग पूरा गराउन सिंहदरबारमा भित्री बस्त्रमात्रै लगाएर प्रदर्शनमा उत्रिएका बादी महिलाको कारण नै आफूलाई उपन्यास लेख्ने प्रेरणा दिएको उनको भनाइ छ । नथियाको प्रकाशन बुक हिलले गरेको हो ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: