मुस्ताङमा ७० वर्षीया वृद्धा बलात्कृत


छ महिनामा झन्डै साढे पाँच सय बलात्कारका घटना

प्रकाशित मिति :2018-02-06 13:54:03

–महिला खबर–

काठमाडौं । मुस्ताङमा ७० वर्षीया वृद्धा बलात्कृत भएकी छिन् । वृद्धालाई बलात्कार गरेको अभियोगमा प्रहरीले घोरपझोङ गाउँपालिका–१ चिमाङका ३१ बर्षीय सुनबहादुर बिकलाई सोमबार पक्राउ गरेको छ ।

विकले मादक पदार्थ सेवन गरि सोही स्थानकी ७० वर्षीया वृद्धालाई जवरजस्ती करणी गरेको प्रहरीले जनाएको छ । प्रहरीका अनुसार बिकलाई स्थानीयबासीले नियन्त्रणमा लिइ प्रहरीलाई बोलाएका थिए ।

जिल्ला प्रहरी कार्यालय मुस्ताङका इन्सपेक्टर मित्र आचार्यले महिला खबरसँग कुरा गर्दै जिल्ला अदालतबाट वि.कलाई म्याद थप गरि अनुसन्धान भइरहेको बताए । उनले भने, ‘वृद्धा विरामी रहेको बुझिएको छ । युवकले मादक पदार्थ सेवन गरेको बताएका छन् ।’ उनले युवकलाई जवरजस्ती करणी अन्र्तगत मुद्धा चलाउने तयारी भइरहेको बताए ।

नेपालमा बलात्कारका घटनाको तथ्यांक बढ्दो अवस्था छ । नेपाल प्रहरीको पछिल्लो तथ्यांक अनुसार ६ महिनाको अवधिमा पाँच सय २९ महिला एवम् बालिका बलात्कृत भएका छन् । आर्थिक वर्ष २०७४\७५ को साउनदेखि पुस महिनासम्मको प्रहरीको तथ्यांकलाई हेर्दा सबैभन्दा बढी साउन महिनामा १ सय ३१ जना महिला एवम् बालिकाहरू बलात्कृत भएका छन् । यस्तै भाद्र महिनामा ९७, आश्विन महिनामा ९३, कार्तिकमा ७६, मंसीरमा ६२ र पुसमा ७० जना महिला र बालिका बलात्कृत भएका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: